ఆంధ్రా ఎంపీలపై పవన్‌ కసరత్తు

పవర్‌స్టార్‌, జనసేన అధినేత పవన్‌ కళ్యాణ్‌ ఆంధ్రా ఎంపీలను వదిలేలా కనబడటంలేదు.

మొన్న మీడియా సమావేశంలో ఆంధ్రా ఎంపీలను పేర్లు పెట్టి మరీ విమర్శించిన పవన్‌ కళ్యాణ్‌ ఇప్పుడు మరింత ముందుకెళ్లారు.

పవన్‌ మీడియా సమావేశంలో విమర్శించగానే ఆంధ్రా ఎంపీలు విరుచుకుపడిన విషయం తెలిసిందే.కేంద్ర మంత్రి సుజనా చౌదరి సహా ఎంపీలు పవన్‌పై విమర్శలు గుప్పించారు.

నన్ను తిడితే లాభం లేదు.ప్రత్యేక హోదా కోసం పోరాడండి అని కామెంట్‌ చేశారు.

ఎంపీల పనితీరుపై కసరత్తు చేసిన పవన్‌ రాష్ర్ట విభజన సమయంలో వారి పనితీరు ఏమిటో బయటపెట్టారు.విభజన బిల్లుపై పార్లమెంటులో చర్చ జరిగినప్పుడు ఎంతమంది ఎంపీలు అందులో పాల్గొన్నారో పవర్‌స్టార్‌ లెక్కలు తీశారు.

ఈ ఏడాది మార్చి పదిహేడో తేదీన విభజన బిల్లుపై చర్చ జరిగింది.విజయవాడ ఎంపీ కేశినేని నాని పనితీరుపై ట్విట్టర్లో వివరించారు.

విభజనపై చర్చ జరిగినప్పుడు కేవలం ఐదుగురు ఎంపీలే పాల్గొన్నారు.