పిఠాపురం తో ముగించేయనున్న జగన్ 

మరో రెండు రోజుల్లో జరగనున్న పోలింగ్ లో కచ్చితంగా గెలిచి మళ్ళీ అధికారంలోకి వస్తామనే ధీమాతో ఉన్న వైసీపీ అధినేత, ఏపీ సీఎం జగన్( AP CM Jagan) రాష్ట్రవ్యాప్తంగా అనేక నియోజకవర్గాల్లో పర్యటిస్తూ, పార్టీ శ్రేణుల్లో ఉత్సాహం నింపుతూ, జనాల్లో వైసిపి పై ఆదరణ మరింత పెంచే విధంగా ప్రసంగాలు చేస్తున్నారు.

తన పర్యటనలో రాజకీయ ప్రత్యర్థులపై పదునైన విమర్శల బాణాలు ఎక్కు పెడుతున్నారు.

టిడిపి ఇచ్చిన హామీలు మాటల వరకే పరిమితం అని ,తాను ఇచ్చిన హామీలు ఇప్పటికే అమలు చేసిన తీరు మీరంతా చూశారని, మళ్ళీ అధికారంలోకి వస్తే మరింత మెరుగ్గా పరిపాలన అందించడంతో పాటు, పెద్ద ఎత్తున సంక్షేమ పథకాలు జనాలకు అందిస్తామని జగన్ చెబుతున్నారు.జనవరి 28న ఎన్నికల ప్రచారాన్ని మొదలుపెట్టిన జగన్ ఉత్తరాంధ్ర వేదికగా దీనిని ప్రారంభించారు.

మొదటగా నాలుగు సిద్ధం సభలతో ఉత్తరాంధ్ర, కోస్తా, రాయలసీమ, ప్రకాశం జిల్లాలో సభలు నిర్వహించారు.