అఖిలప్రియకు బ్యాడ్ లక్ అంటే ఇదే ? 

గత కొంతకాలంగా మాజీ మంత్రి, టిడిపి నేత భూమా అఖిలప్రియ( Bhuma akhilapriya _ వార్తల్లో వ్యక్తిగా ఉంటున్నారు.

అనేక వివాదాల్లో ఆమె పేరు మారుమోగుతుండడంతో పాటు, అనేక కేసులు నమోదవడం, జైలుకు వెళ్లడం వంటివి చోటుచేసుకున్నాయి.

సొంత పార్టీకి చెందిన ఏవీ సుబ్బారెడ్డి( Av subbareddy ), ఆయన అనుచరులపై భౌతిక దాడికి దిగడం వంటివి కలకలం రేపాయి.అది కూడా స్వయంగా నారా లోకేష్ నిర్వహిస్తున్న యువగళం పాదయాత్రలో చోటు చేసుకోవడంపై టీడీపీ అధినేత చంద్రబాబు చాలా సీరియస్ అయ్యారు.

ఈ వ్యవహారంలో అఖిల ప్రియ జైలుకు వెళ్లి రెండు రోజుల క్రితమే బెయిల్ పై బయటకు వచ్చారు.అసలు సార్వత్రిక ఎన్నికలకు సమయం దగ్గర పడుతున్న నేపథ్యంలో, టికెట్ల కేటాయింపు విషయంలో చంద్రబాబు చాలా జాగ్రత్తలు తీసుకుంటున్నారు.

వివాదాలకు దూరంగా ఉంటూ, ప్రజల్లో మంచి పేరు ప్రఖ్యాతలు ఉన్నవారిని అభ్యర్థులుగా ఎంపిక చేయాలని, 2024 ఎన్నికల్లో వైసీపీకి గట్టి పోటీ ఇవ్వాలంటే ఇదే కరెక్ట్ అనే ఆలోచనతో బాబు ఉండగా, అఖిల ప్రియ వ్యవహారం తలనొప్పిగా మారింది.దీంతో ఆమెకు వచ్చే ఎన్నికల్లో టిడిపి టికెట్ ఇస్తుందా లేదా అనేది అనుమానంగానే మారింది.