ఉక్రెయిన్- రష్యా మధ్య యుద్ధ వాతావరణం : తక్షణం వెనక్కి వచ్చేయండి, భారత పౌరులకు కేంద్రం హెచ్చరిక

ప్రస్తుతం ఉక్రెయిన్- రష్యా మధ్య యుద్ధ వాతావరణం నెలకొన్న సంగతి తెలిసిందే.రష్యా ఏ క్షణమైనా ఉక్రెయిన్‌పై దాడి చేస్తుందని.

బుధవారం యుద్ధం తప్పదని అమెరికా సారథ్యంలోని నాటో దళాలు డేట్‌తో హెచ్చరిస్తున్నాయి.అదే జరిగితే రష్యా భారీ మూల్యం చెల్లించుకోక తప్పదని నాటో హెచ్చరిస్తోంది.

ఇప్పటికే ఉక్రెయిన్ బోర్డర్ వద్దకు నాటో భారీగా సైనికులను, అధునాతన యుద్ధ సామాగ్రిని మోహరించింది.దీంతో అక్కడ ఎప్పుడు ఏం జరుగుతుందోనని ప్రపంచం ఆసక్తిగా గమనిస్తోంది.

అటు వివిధ దేశ ప్రభుత్వాలు.ఉక్రెయిన్‌లోని తమ పౌరుల భద్రతపై ఆందోళన వ్యక్తం చేస్తున్నాయి.

ఉక్రెయిన్‌ను రష్యా ఏ క్షణమైనా ఆక్రమించుకోవచ్చని అమెరికా హెచ్చరించటంతో అనేక దేశాలు ఉక్రెయిన్‌లోని తమ పౌరులను వెనక్కు రప్పిస్తున్నాయి.తాజాగా పలు దేశాలు ఉక్రెయిన్‌కు విమాన సర్వీసులను కూడా రద్దుచేశాయి.

ఈ లిస్ట్‌లో ఇండియా కూడా వుంది.ఉక్రెయిన్లో ఉంటున్న భారతీయులు తక్షణం స్వదేశానికి తిరిగి రావాలని కేంద్రం హెచ్చరించింది.

ఈ మేరకు కీవ్‌లోని భారత రాయబార కార్యాలయం ట్రావెల్ అడ్వైజరీని జారీ చేసింది.