మాయమాటలతో జనానికి కుచ్చుటోపీ.. సింగపూర్‌లో భారత సంతతి మహిళకు జైలు

వివిధ స్కామ్‌లలో 12 మందిని దాదాపు 1,06,000 సింగపూర్ డాలర్ల మేర మోసం చేసిన కేసులో భారత సంతతికి చెందిన మహిళకు సింగపూర్ కోర్టు( Singapore Court ) బుధవారం మూడేళ్ల జైలు శిక్షతో పాటు 2000 సింగపూర్ డాలర్ల జరిమానా విధించింది.నిందితురాలిని ప్రిస్కిల్లా షమణి మనోహరన్‌గా( Priscilla Shamani Manoharan ) గుర్తించారు.

2022 నుంచి ఆమె ఈ నేరాలకు పాల్పడినట్లుగా తెలుస్తోంది.హౌసింగ్ బోర్డ్ పబ్లిక్ స్కీమ్( Housing Board Public Scheme ) కింద అపార్ట్‌మెంట్‌కు చెందిన లావాదేవీకి డబ్బు చెల్లించాల్సి ఉందని అయితే తన కొడుకు, కుమార్తె చనిపోయినట్లుగా చెబుతూ మనోహరన్ ఒక వ్యక్తిని 57,250 సింగపూర్ డాలర్ల మేర మోసం చేసింది.

అంతేకాదు.తానే చనిపోయినట్లుగా తప్పుడు పత్రాలు సృష్టించి, లాయర్‌గా నటిస్తూ లీగల్ ఫీజుల కోసం ఆ వ్యక్తికి బూటకపు ఇన్‌వాయిస్‌లను( Fake Invoices ) పంపినట్లు ది స్ట్రెయిట్స్ టైమ్స్ వార్తాపత్రిక నివేదించింది.

ఇతర కేసులతో పాటు మెడికల్ ఫీజు కోసం అత్యవసరంగా డబ్బు చెల్లించాల్సి ఉందంటూ ఆసుపత్రికి , తనకు మధ్య జరిగినట్లుగా నకిలీ వాట్సాప్ రికార్డులను సృష్టించింది.