అమెరికా : మోంట్‌గోమేరీ కౌంటీ కమీషనర్ పదవికి అడుగు దూరంలో భారతీయుడు.. !!

మోంట్‌గోమేరీ కౌంటీ కమీషన్ అనేది జిల్లాల వారీగా ఎన్నికైన ఐదుగురు సభ్యులతో కూడిన మోంట్‌గోమేరీ కౌంటీ పాలకమండలి.ప్రతి కమీషనర్ నాలుగేళ్లకోసారి ఎన్నుకోబడతారు.వీరు 45000 మంది సభ్యులకు ప్రాతినిధ్యం వహిస్తారు.

నీల్ మఖిజా ఎన్నికైతే ఇతర కమీషనర్‌లతో పాటు 500 మిలియన్ డాలర్లకు పైగా వున్న కౌంటీ బడ్జెట్‌ను నిర్వహించడంతో పాటు ఎన్నికలు, కోర్టులు, డిస్ట్రిక్ట్ అటార్నీ కార్యాలయం, ప్రజారోగ్య విభాగాలు, ప్రజా మౌలిక సదుపాయాలతో పాటు 3000 మంది ఉద్యోగుల విధులను పర్యవేక్షిస్తారు.కౌంటీ కమీషనర్లు 2024 అమెరికా అధ్యక్ష ఎన్నికల నిర్వహణను కూడా పర్యవేక్షిస్తారు.

నీల్ మఖిజా గతంలో వైట్‌హౌస్, సెనేట్‌లలో పనిచేశారు.హోరేస్ లెంట్జ్ స్కాలర్‌షిప్‌పై హార్వర్డ్ లా స్కూల్‌లో జేడీని సంపాదించారు.