నేను చేసిన 2 తప్పులు అవే.. లేకుంటే నా కెరీర్ మరోలా ఉండేదన్న శ్రీరామ్..

తాజాగా అలీతో సరదాగా కార్యక్రమంలో పాల్గొన్నాడు శ్రీరామ్.ఈ సందర్భంగా కొన్ని కీలక విషయాలు చెప్పాడు.రవితేజ- పూరీ జగన్నాథ్ కాంబోలో వచ్చిన సూపర్ హిట్ మూవీ అమ్మానాన్న ఓ తమిళ అమ్మాయి.

ఈ సినిమా అప్పట్లో సంచలన విజయాన్ని అందుకుంది.వాస్తవానికి ఈ సినిమాను చేయాల్సిందిగా తొలుత తనకు ఆఫర్ వచ్చిందని శ్రీరామ్ చెప్పాడు.

నిర్మాత కెఎల్ ఎన్ రాజు మీడియా సమావేశం పెట్టి మరీ నేను హీరోగా ఈ సినిమా చేస్తున్నట్లు చెప్పాడు.అయితే నేను అప్పటికే ఫైర్ యాక్సిడెంట్ కు గురయ్యాను.

నాకు కాలిన చోట స్కిన్ పెట్టారు.అప్పటికి ఆ గాయాలు పూర్తిగా మానిపోలేదు.

ఈ నేపథ్యంలో సినిమాలో స్టంట్స్ చేయడం కష్టం అనిపించింది.కావాలంటే కొన్ని ఫైట్స్ తగ్గిద్దాం అని కూడా చెప్పారు.

కానీ బాక్సింగ్ నేపథ్యంలో సాగుతున్న కథలో ఫైట్స్ తగ్గిస్తే బాగా రాదని చెప్పాను.అదే సమయంలో రవితేజ కలిసి ఈ సినిమా చేస్తేనే బాగుంటుందని నాతో చెప్పాడు.

కానీ చేయలేక పోయాను.ఈ సినిమాను వదులుకున్నందుకు ఇప్పటినీ నేను బాధపడుతున్నానని చెప్పారు.