పాస్తా. దీని గురించి ప్రత్యేకంగా ప‌రిచ‌యాలు అవ‌స‌రం లేదు.పాస్తాను పిల్ల‌లే కాదు.పెద్ద‌లు కూడా ఎంతో ఇష్టంగా తింటుంటారు.పాస్తాతో ర‌క‌ర‌కాల వెరైటీలు చేస్తుంటారు.ఎలా చేసినా పాస్తా రుచి అద్భుతంగా ఉంటుంది.
పాస్తాను త‌యారు చేయ‌డం కూడా చాలా సులువు.అందుకే పాస్తాను అమితంగా ఇష్ట‌ప‌డ‌తారు.
ఇక రుచిలోనే కాదు.పాస్తాతో బోలెడ‌న్ని ఆరోగ్య ప్ర‌యోజ‌నాలను కూడా పొందొచ్చు.
మ‌రి పాస్తా వ‌ల్ల వ‌చ్చే హెల్త్ బెనిఫిట్స్ ఏంటీ అన్న‌ది ఆల‌స్యం చేయ‌కుండా ఇప్పుడు తెలుసుకుందాం.
బ‌రువు త‌గ్గాల‌నుకునే వారు ఏన్నెన్నో ప్ర‌య‌త్నాలు చేస్తుంటారు.
అలాంటి వారు పాస్తాను డైట్‌లో చేర్చుకుంటే చాలా మంచిది.ఎందుకంటే, పాస్తాలో కేల‌రీలు మ‌రియు కొలెస్ట్రాల్ రెండూ త‌క్కువ‌గా ఉంటాయి.
ఫైబర్ పుష్క‌లంగా ఉంటుంది.కాబట్టి, ఫైబర్ కొంచెం తీసుకున్నా కడుపు నిండిన భావ‌న క‌లుగుతుంది.
దాంతో వేరే ఆహారాలు తీసుకోలేదు.ఫ‌లితంగా బ‌రువు త‌గ్గుతారు.
అలాగే పాస్తాలో సోడియం చాలా త‌క్కువ‌గా ఉంటుంది.కాబట్టి, ర‌క్త పోటు, గుండె జ‌బ్బులు వ‌చ్చే రిస్క్ చాలా త‌క్కువ.
పాస్తాను త‌ర‌చూ తీసుకోవ‌డం వ‌ల్ల.అందులో ఉండే యాంటాక్సిడెంట్లు మ‌రియు ఇత‌ర పోష‌కాలు కడుపు, పెద్దప్రేవు కాన్సర్లు ద‌రి చేర‌కుండా అడ్డుక‌ట్ట వేస్తాయి.అలాగే పాస్తాలో ప‌లు ర‌కాల ప్రోటీన్లు, విట‌మిన్లు కూడా ఉంటాయి.అందువ‌ల్ల, వీటిని తీసుకోవ‌డం వ‌ల్ల జ్ఞాప‌క‌శ‌క్తి పెర‌గ‌డంతో పాటు మెద‌డు ప‌ని తీరు కూడా మెరుగు ప‌డుతుంది.
ఇక పాస్తాలో పోషకపదార్థాలు ఎక్కువగా ఉంటాయి.కాబట్టి, పాస్తాను బ్రేక్ ఫాస్ట్‌లో తీసుకోవ‌డం వ‌ల్ల రోజంతా యాక్టివ్‌గా మ‌రియు ఎన‌ర్జిటిక్‌గా ఉండొచ్చు.
మంచి న్యూట్రిషన్ ను అందించడంలో పాస్తా పవర్ ఫుల్ గా పనిచేస్తుంది.కాబట్టి.
పెద్దలూ, పిల్లలూ అని తేడాలేవీ లేకుండ అంద‌రూ పాస్తాను డైట్‌లో చేర్చుకోవ‌చ్చు.అయితే అతిగా మాత్రం తీసుకోరాదు.
ఎందుకంటే, ఎంత ఆరోగ్యం అయిన‌ప్ప‌టికీ.అతిగా తీసుకుంటే అనేక అనారోగ్య స‌మ‌స్య‌లు వ‌స్తాయి.
