ఇన్స్టాగ్రామ్ యూజర్స్ శుభవార్త... ఇది మీకోసమే!

ప్రపంచ ఫోటో షేరింగ్ దిగ్గజం ఇన్‌స్టాగ్రామ్ ప్రత్యేకత, ఆదరణ గురించి చెప్పాల్సిన పనిలేదు.ప్రపంచవ్యాప్తంగా పెద్దసంఖ్యలో దీనికి ఫాలోవర్లున్నారు.

ఇప్పుడు దీని మాతృసంస్థ మెటా ఇంకా కొత్త వినియోగదారులను ఆకర్శించడంకోసం ఓ సరికొత్త ఫీచర్ ప్రవేశపెడుతోంది.ఈ ఫీచర్ కోసం యూజర్లు చాలాకాలం నుంచి నిరీక్షిస్తున్నారు.

ఈ ఫీచర్ సహాయంతో ఇన్‌స్టా యూజర్లు ఇన్‌స్టాగ్రామ్ స్టోరీని మరింత సులభంగా చేయవచ్చు.ఈ ఫీచర్ సహాయంతో యూజర్లు ఒకసారి 60 సెకన్ల స్టోరీని ఒక స్లైడ్‌లో అప్‌లోడ్ చేయవచ్చు.

ఈ ఫీచర్ కోసం యూజర్లు చాలాకాలం నుంచి ఎదురుచూస్తున్నారు.ఇన్‌స్టాలో పోస్టర్ల కంటే ఎక్కువగా స్టోరీల్ని ఇష్టపడుతుంటారు.

ఇప్పటి వరకూ ఒక స్టోరీ కేవలం 15 సెకెన్ల నిడివి మాత్రమే ఉండేది.వీడియో వ్యవధి ఎక్కువగా ఉంటే ఒక స్లైడ్‌లో 15 సెకన్లే వచ్చేది.

అయితే తాజా అప్డేట్ తో 60 సెకన్ల వరకూ అప్‌లోడ్ చేయవచ్చు.ఈ ఫీచర్ ఎప్పుడు , ఏయే దేశాల్లో లాంచ్ కానుందనే వివరాలు మాత్రం ఇంకా తెలియాల్సి ఉంది.

ఇకపోతే ఇన్‌స్టీ రీల్ కూడా ఇటీవల 90 సెకన్ల నిడివి పెంచిన విషయం అందరికీ తెలిసిందే.

అలాగే ఇటీవల ఇన్స్టా తెచ్చిన అప్డేట్ గురించి విన్నారా? నేడు ముఖ్యంగా మహిళలకు ఆన్‌లైన్‌లో వేధింపులు ఎదురవుతున్నాయి.వారి ఫొటోలను మార్ఫింగ్ చేసి, న్యూడ్ ఫొటోలుగా కొందరు కేటుగాళ్లు మార్చుతున్నారు.ఈ తరుణంలో మహిళల భద్రత కోసం ఇన్‌స్టాగ్రామ్ సరికొత్త తాజాగా ఓ నిర్ణయం తీసుకుంది.

యూజర్ సేఫ్టీ ఫీచర్‌ను అభివృద్ధి చేయడంలో పని చేస్తోంది.ఇది యూజర్లు వారి డైరెక్ట్ మెసేజ్‌లలో నగ్న ఫోటోలను స్వీకరించకుండా కాపాడుతుంది.

సోషల్ మీడియా వ్యక్తుల మధ్య కమ్యూనికేషన్‌లో అంతరాన్ని తొలగిస్తుండగా, ఇది జనాలను వేధించకుండా కాపాడుతుంది.