టాలీవుడ్ ఇండస్ట్రీలో బడా నిర్మాణ సంస్థలలో ఒకటిగా పేరు సంపాదించుకున్న నిర్మాణ సంస్థ గీత ఆర్ట్స్ బ్యానర్ ఒకటి.ప్రముఖ నిర్మాత అల్లు అరవింద్ స్థాపించిన గీత ఆర్ట్స్ బ్యానర్ లో సినిమా వస్తుంది అంటే ఈ సినిమా బాక్సాఫీస్ వద్ద పక్క హిట్ అవుతుందనే నమ్మకం అందరిలోనూ ఉంది.
ఎన్నో సంవత్సరాలుగా ఈ బ్యానర్ లో ఎన్నో సూపర్ హిట్ చిత్రాలు ప్రేక్షకుల ముందుకు వచ్చాయి.ప్రస్తుతం ఈ బ్యానర్ అనుబంధ సంస్థ గీతా ఆర్ట్స్ 2 పిక్చర్ బ్యానర్ పై బన్నీ వాసు చిత్రాలను నిర్మిస్తున్నారు.
ఈ బ్యానర్ లో బన్నీ వాసు ఇప్పటికే ఎన్నో అద్భుతమైన సినిమాలను ప్రేక్షకుల ముందుకు తీసుకువచ్చారు.అయితే ఈ బ్యానర్లు బడా బడ్జెట్ చిత్రాల నుంచి మీడియం రేంజ్ సినిమాలు కూడా తెరకెక్కుతూ మంచి హిట్ అందుకున్నాయి.
తాజాగా ఈ బ్యానర్ లో తెరకెక్కిన పక్కా కమర్షియల్ సినిమా విడుదలకు సిద్ధం కాగా, ఈ బ్యానర్ లో మరో సినిమాకు శ్రీకారం చుట్టనున్నారని తెలుస్తోంది.అయితే జోహార్, అర్జున పాల్గుణ చిత్రాలతో దర్శకుడిగా పరిచయమైన తేజ మర్ని డైరక్షన్ లో బన్నీ వాస్ – విద్య మాధురి నిర్మాణంలో ఓ సినిమా చేయనున్నట్లు తెలుస్తోంది.
జోహార్, అర్జున ఫాల్గుణ వంటి సినిమాలతో డిజాస్టర్ ఎదుర్కొన్న డైరెక్టర్ కు అవకాశం కల్పిస్తూ పెద్ద సాహసం చేస్తున్నారని చెప్పాలి.తాజాగా ఈ సినిమా గీతా ఆర్ట్స్2 లో ‘ప్రొడక్షన్ నెంబర్ 8’ చిత్రాన్ని పూజా కార్యక్రమాలతో లాంఛనంగా ప్రారంభించారు.అయితే తేజమర్ని దర్శకత్వంలో వచ్చిన సినిమాలను దృష్టిలో పెట్టుకోకుండా, కంటెంట్ దృష్టిలో పెట్టుకొని ఈ బ్యానర్లో అవకాశం కల్పించినట్టు తెలుస్తోంది.ఇకపోతే ఈ సినిమాలో శ్రీకాంత్ – వరలక్ష్మి శరత్ కుమార్ – రాహుల్ విజయ్ – శివాని రాజశేఖర్ వంటి తదితరులు కీలక పాత్రలలో నటిస్తున్నట్లు తెలుస్తోంది.
తెలుగు వార్త విశేషాలు సులభముగా తెలుసుకోండి!!!!
