ఔట్ సోర్సింగ్ ఉద్యోగాల పేరిట ఘరానా మోసం..కలెక్టర్ సంతకాలు ఫోర్జరీ చేసి నకిలీ ఉత్తర్వులు..!

ఇంటర్ చదివిన ఓ యువకుడు జల్సాలకు అలవాటు పడి కష్టపడకుండా డబ్బు సంపాదించడం కోసం నిరుద్యోగులకు ప్రభుత్వ ఉద్యోగాలు ఇప్పిస్తానంటూ.

ఏకంగా జిల్లా కలెక్టర్ సంతకాలను ఫోర్జరీ చేసి నకిలీ ఉత్తర్వుల పత్రాలు అందించి ఆ నిరుద్యోగులను దారుణంగా మోసం చేశాడు.

అందుకు సంబంధించిన వివరాలు ఏమిటో చూద్దాం.వివరాల్లోకెళితే.

యాదాద్రి జిల్లా( Yadadri Bhuvanagiri ) మోటకొండూరు మండలం వర్టూరు గ్రామానికి చెందిన ఆలేటీ నవీన్ అనే యువకుడు ఇంటర్ వరకు చదువుకున్నాడు.జల్సాల బారిన పడి చెడు వ్యసనాలను అలవాటు చేసుకున్నాడు.

ఇక కష్టపడకుండా డబ్బు సంపాదించి విలాసవంతమైన జీవితం గడపాలని, అడ్డదారిలో వెళితేనే కావలసినంత డబ్బు సంపాదించవచ్చని భావించాడు.ప్రభుత్వ శాఖలలో ఔట్ సోర్సింగ్ ఉద్యోగాలు ఇప్పిస్తానని నిరుద్యోగులను నమ్మించాడు.

భువనగిరి పట్టణంలోని సంజీవ్ నగర్ లో నివాసం ఉండే మహిళ రాజమణి ద్వారా 11 మంది నిరుద్యోగుల నుంచి లక్షల రూపాయలు వసూలు చేశాడు.