దశాబ్ధాలుగా ఉంటున్నా , ఓటు వేస్తున్నా.. నేను అమెరికా పౌరుడిని కాదంట, ఓ పెద్దాయన ఆవేదన

దశాబ్థాలుగా మీరు ఒక దేశంలో ఉండి.పన్నులు కడుతూ, ఎన్నికల్లో ఓటు కూడా వేస్తూ సడెన్‌గా మీరు ఆ దేశ పౌరులు కాదని తెలిస్తే ఆ ఫీలింగ్ ఎలా వుంటుందో వర్ణించడం కూడా కష్టమే.

అచ్చం ఇలాంటి పరిస్ధితినే ఎదుర్కొంటున్నారు అమెరికాలోని ఫ్లోరిడా( Florida ) రాష్ట్రానికి చెందిన వ్యక్తి.66 ఏళ్ల జిమ్మీ క్లాస్ .( Jimmy Klass ) సోషల్ సెక్యూరిటీ పేమెంట్స్ నిమిత్తం దరఖాస్తు చేసుకోగా.తాను అమెరికా పౌరుడిని కాదని తెలుసుకుని ఆశ్చర్యపోయాడు.

జిమ్మీ చిన్నప్పటి నుంచి అమెరికాలోనే నివసిస్తున్నాడు.అంతేకాదు అనేక ఫెడరల్ ఎన్నికల్లో ఓటు కూడా వేశాడు.2020లో సోషల్ సెక్యూరిటీ అడ్మినిస్ట్రేషన్( Social Security Administration ) నుంచి తాను తన ప్రయోజనాలను పొందాలని అనుకుంటున్నట్లు జిమ్మీ క్లాస్ అన్నాడు.అయితే న్యూస్ 6 క్లిక్ ఓర్లాండ్ ప్రకారం.

అతని నగదు ‘‘ఫ్రీజ్ ’’ అయినట్లుగా జిమ్మీకి సమాచారం అందింది.తాను చట్టబద్ధంగా అమెరికాలో ఉన్నానని నిరూపించుకోలేనందున నగదును స్తంభింపజేసినట్లుగా తనకు నోటిఫికేషన్ వచ్చిందని ఆయన తెలిపారు.

జిమ్మీ క్లాస్ పూర్వీకులు జర్మనీలో నివసించగా.అతని తల్లి కెనడియన్.

అయినప్పటికీ అతని తండ్రి జన్మత: అమెరికాలో పుట్టినందున తాను యూఎస్ పౌరుడినేనని( US Citizen ) క్లాస్ ధీమాతో వున్నాడు.అతనిని 2 ఏళ్ల వయసులో 1960లో అమెరికాకు తీసుకొచ్చారు.