మ్యాట్రిమోని లో ఫేక్ ప్రొఫైల్..నిండా మునిగిన హైదరాబాద్ యువతి..!

ప్రస్తుత సమాజంలో ఎవరు మంచివారో.ఎవరు చెడ్డవారో తెలుసుకోవడం చాలా కష్టం.

కొంతమంది కష్టపడకుండా డబ్బు సంపాదించడం కోసం మంచితనం అనే ముసుగు వేసుకొని అమాయకులను దోచుకుంటుంటారు.

కాబట్టి ఎవరైనా అపరిచితులు పరిచయం అయితే చాలా జాగ్రత్తగా ఉండాలి అనడానికి ఈ సంఘటనే నిదర్శనం.

హైదరాబాదుకు( Hyderabad ) చెందిన ఓ యువతికు మ్యాట్రిమోని( Matrimony ) ద్వారా పరిచయం అయిన వ్యక్తి చేతిలో దారుణంగా మోసపోయింది.అందుకు సంబంధించిన వివరాలు ఏమిటో చూద్దాం.

హైదరాబాద్ నగర సైబర్ క్రైమ్ ఏసీపీ శివమారుతి( ACP Sivamaruti ) తెలిపిన వివరాల ప్రకారం.ఓ యువతి మ్యాట్రిమోని సైట్ లో తన పేరు రిజిస్టర్ చేసుకున్నాక.

ఆ సైట్ ద్వారా ఓ వ్యక్తి పరిచయం అయ్యాడు.కొంత కాలం వీరు మాట్లాడుకోవడం, చాట్ చేసుకోవడం చేశారు.

ఆ తర్వాత ఆ వ్యక్తి ప్రేమిస్తున్నట్లుగా ఆ యువతిని పూర్తిగా నమ్మించాడు.తాను అమెరికాలో పెద్ద ఉద్యోగం చేస్తున్నానని, ఇండియాకు వచ్చాక వివాహం చేసుకుంటానని చెప్పడంతో ఆ యువతి పూర్తిగా అతనిని నమ్మేసింది.