మన ఇంటిని మనమే శుభ్రం చేసుకోవాలి.అలాగని బయట ఎలా పడితే అలా చెత్తను పారేస్తే ఎలా…? దేశం కూడా మనదే కదా.దేశం బాగుంటేనే మనం బాగుంటాము.మన ఇల్లు మనం శుభ్రంగా ఉంటే చాలు బయట ఎలా ఉంటే నాకేంటి అని అనుకునే మనుషులు ఈ సమాజంలో చాలా మంది ఉన్నారు.
ఎలా ఎవరికి వారు అనుకుంటే వాతావరణం కలుషితం అయ్యి చివరికి అనారోగ్యాల పాలవుతారు.మనలో కొంతమంది పక్కనే చెత్త బుట్ట ఉన్నాగాని అందులో చెత్త వెయ్యడానికి బద్దకించి కింద పడేస్తూ ఉంటారు.
ఆ నాకెందుకులే ఎవరో ఒకరు తీస్తారు అని అనుకుంటారు.
నిజానికి అది చాలా తప్పు అని ఒక నోరు లేని మూగ జీవి నిరూపించింది.
అవును మీరు విన్నది నిజమే ఓ ఏనుగు చేసిన పనికి యావత్ ప్రపంచం జేజేలు కొడుతుంది.అది చూస్తే మీరు కూడా ఆ ఏనుగును మెచ్చుకోకుండా ఉండలేరు.
మూగ జీవాలు సైతం స్వచ్ఛభారత్ పాటిస్తున్నాయి అనటానికి ఈ ఏనుగు సాక్షం.ఈ వీడియో ఇప్పుడు ట్విట్టర్‌లో బాగా ఫేమస్ అయింది.
ఈ వీడియోని ఇండియన్ ఫారెస్ట్ సర్వీస్ (IFS) ఆఫీసర్ పర్వీన్ కస్వాన్ షేర్ చేశారు.ఈ వీడియోలో ఒక ఏనుగు తినడానికి ఎమన్నా దొరుకుతాయేమోనని ఒక ఇంటి దగ్గర ఉన్న చెత్త బుట్ట దగ్గరకు వచ్చింది.
అయితే అందులే ఏమీ కనిపించలేదు.అందులోంచి ఓ చుట్టి ఉన్న కాగితాన్ని బయటకు తీసిన ఏనుగు దాన్ని జాగ్రత్తగా మళ్లీ అందులోనే వేసింది.అంతే కాదు, ఆ పక్కన గడ్డిలో ఉన్న మరో చెత్తను కూడా జాగ్రత్తగా చెత్త బుట్టలో వేసింది.ఇందుకు తన కాలు, తొండాన్ని ఉపయోగించింది.
ఇలా ఆ ఏనుగు బాస్కెట్‌ లో పేపర్ వేసి…ప్రతి ఒక్కరు స్వచ్ఛత, శుభ్రతా పాటించాలనే విషయాన్ని ఏనుగు గుర్తుచేస్తుంది.అందుకే నెటిజన్లు ఆ గజాన్ని మెచ్చుకుంటున్నారు.
అది స్వచ్ఛభారత్ ఏనుగు అంటున్నారు.ఈ మధ్య ఏనుగులు, చిరుతలు, ఇతర వన్య మృగాలు చేసే పనులకు ప్రజల దగ్గర నుండి విశేష స్పందన వస్తుంది.
ఈ కరోనా కష్ట కాలంలో ప్రతి ఒక్కరం శుభ్రత పాటిస్తే కరోనాను తరిమి వేయొచ్చు.
