ఎముకల ఆరోగ్యం జాగ్రత్త .. ఈ ఆహారపు అలవాట్లు గమనించండి

మన ఎత్తు, మన రంగు, మన ముఖకవళికలు మనచేతుల్లో ఉండకపోవచ్చు కాని, శరీర ఆరోగ్యం మాత్రం పూర్తిగా మనచేతుల్లోనే ఉంది.

చర్మం, ఎముకలు, నరాలు, రక్తం .

ప్రతి భాగాన్ని మనమే రక్షించుకోవాలి.ప్రతి భాగాన్ని మనమే బలపరుచుకోవాలి.

మనం పాటించే కొన్ని అలవాట్లు, ముఖ్యంగా ఆహారపు అలవాట్లు మన శరీరం లోపల మనకు తెలియని ప్రభావం చూపుతాయి.ఆ ప్రభావం చెడుగా ఉండకూడదు అంటే, సరైన లైఫ్ స్టయిల్ ఎంచుకోవాలి.

ఓ వయసుకి వచ్చాక, ఎముకలు బలంగా ఉంటేనే, మనలో చేవ ఉంటుంది.కాబట్టి ఎముకల బలం కోసం ఈ క్రింది ఆహారపు అలవాట్ల గురించి ఆలోచించండి.

* అధికంగా మాసహారం, ముఖ్యంగా రెడ్ మీట్ తీసుకోవడం ఎముకలకి అంత మంచిది కాదు.అలాగే స్వీట్స్ కూడా ఎముకలకి చేటు చేస్తాయి.

* డార్క్ చాక్లెట్ లో ఎముకలకి పనికొచ్చే లక్షణాలే కాదు, ఎముకలని బలహీనపరిచే షుగర్స్, ఆక్సలేట్ కూడా ఉంటాయి.అందుకే, చాక్లెట్ ని కంట్రోల్ లో ఉంచండి.

* ఆల్కహాల్ అతిగా సేవిస్తే చేయని చేటు ఉంటుందా.లిమిట్ దాటితే ఇది కూడా ఎముకలకి శత్రువే.

* కాఫీ శరీరంలో కాల్షియం లెవెల్స్ ని తగ్గించవచ్చు.చెప్పనక్కరలేదు, కాల్షియం లేకపోతే ఎముకలు పనికిరాకుండా పోతాయి.

కాబట్టి కాఫీ వ్యసనపరులు కొంచెం అదుపులో ఉంచండి మీ అలవాటుని.* కొందరికి కూల్ డ్రింక్స్ పై మమకారం మరీ ఎక్కువ.

ఇష్టమైన హీరో తాగుతున్నాడని మీరు అలవాటు చేసుకోకండి.ఆడేడ్ షుగర్స్ విపరీతంగా ఉంటాయి కూల్ డ్రింక్స్ లో.