మార్గశిర మాసం విశిష్టత ఏమిటో తెలుసా!

సాక్షాత్తు విష్ణు భగవానుడు మార్గశిరం అంటే నేనే అని స్వయంగా భగవద్గీతలో తెలియజేశాడు.మృగశిరా నక్షత్రంతో కూడి మార్గశిర మాసంలోకి ప్రవేశించడం వల్ల ఈనెల అందు ఎక్కువ చలి ప్రారంభమయ్యే ఈ నెల అని చెప్పవచ్చు.ఆ విష్ణుమూర్తికి ఎంతో ఇష్టమైన ఈ మార్గశిర మాసంలో పూజలు నిర్వహించడానికి ఉపాసన కాలం ఎంత ఉత్తమమైనదిగా చెప్పవచ్చు.

ఉత్తమమైనవి అనగా పక్షులలో గరుత్మంతుడు, మృగాలలో సింహము, నెలలో మార్గశిర మాసం,వేదాలలో సామవేదం ఎంతో ఉత్తమమైనదని భగవద్గీతలో సాక్షాత్తూ ఆ శ్రీకృష్ణ పరమాత్ముడే తెలిపారు.ఇంతటి పవిత్రమైన మార్గశిర మాసంలో చేసేటటువంటి ఏ పూజ అయినా, ఏ అభిషేకాలు అయినా, ఏ హోమ మైన తానే స్వీకరిస్తానని ఆ విష్ణుభగవానుడు తెలియజేశాడు.

జ్యోతిష్య శాస్త్రం ప్రకారం చంద్రునికి ఉచ్చ స్థానం వృషభ రాశి మృగశిర నక్షత్రం కావటంవల్ల మనం ఎటువంటి కార్యక్రమాలు చేయాలని తలపెట్టిన ఆ చంద్రుని సంపూర్ణ అనుగ్రహం ఉండి ఆ కార్యాలను నిర్వహిస్తారు.ఈ మార్గశిర మాసంలో వేకువజామున నిద్రలేచి తన ఇంటిని శుభ్రపరచుకుని విష్ణు ఆరాధన, పాశురాలను చదవడం, దానధర్మాలు చేయడం అత్యంత శ్రేష్టమైనది.

ఈ నెలలో స్వామివారికి భక్తితో సమర్పించే ప్రతి ఒకటి స్వీకరించే మాసం ఇది అని చెప్పవచ్చు.అంతేకాకుండా ముక్కోటి ఏకాదశి, దత్తాత్రేయ జయంతి వంటి పవిత్రమైన పండుగలను ఈ మాసంలో జరుపుకుంటారు.