టి.టీడీపీని వదిలించుకుంటున్న బాబు ! ప్రచారానికి కూడా దూరమేనా ..

ఎక్కడ నెగ్గాలో కాదు ఎక్కడ తగ్గాలో తెలిసినవాడే గొప్పవాడు ! అని సాధారణంగా అందరూ అనుకొంటారు.

కానీ ప్రస్తుత రాజకీయాల్లో ఎక్కడ ప్రచారం చెయ్యాలో కాదు ఎక్కడ ప్రచారం చెయ్యకూడదో తెలిసినవాడే రాజకీయ నాయకుడు.

అతడే ఏపీ సీఎం చంద్రబాబు నాయుడు.తెలంగాణాలో ముందస్తు సందడి మొదలవ్వడంతో అన్ని పార్టీలతో పాటు తెలుగుదేశం పార్టీ కూడా ఎన్నికలకు సిద్ధం అవుతోంది.

అయితే ఏపీ, తెలంగాణ విడిపోయాక తెలంగాణాలో టీడీపీ మనుగడ కోల్పోయింది.నాయకులంతా తమ దారి తమదే అన్నట్టు ఎవరికీ నచ్చిన పార్టీలో వారు చేరిపోయారు.

ఇప్పుడు ఉన్నవారు కూడా ఏ అవకాశం దొరక్క మాత్రమే ఈ పార్టీని పట్టుకుని వేలాడుతున్నారు.ఈ దశలో తెలంగాణ ఎన్నికల్లో టీడీపీ జాతీయాధ్యక్షుడు చంద్రబాబు పాల్గొనే అవకాశం లేనట్టుగా తెలుస్తోంది.