నిజ్జర్ హత్య : ఆధారాలపై చేతులెత్తేసిన ట్రూడో .. భారత్‌దే విజయమన్న కెనడియన్ జర్నలిస్ట్

ఖలిస్తాన్ వేర్పాటువాది, ఖలిస్తాన్ టైగర్ ఫోర్స్ అధినేత హర్దీప్ సింగ్ నిజ్జర్ ( Hardeep Singh Nijjar )హత్య వెనుక భారత ఏజెంట్ల ప్రమేయం ఉందంటూ గతేడాది కెనడా ప్రధాని జస్టిస్ ట్రూడో చేసిన వ్యాఖ్యలు దుమారం రేపిన సంగతి తెలిసిందే.

భారత్ నుంచి తీవ్ర ప్రతిఘటన ఎదురుకావడంతో సైలెంట్ అయిన ట్రూడో తాజాగా మరోసారి దుందుడుకు చర్యలకు దిగుతున్నారు.

ఈసారి ఏకంగా కెనడాలోని భారత హైకమీషనర్ సంజయ్ కుమార్ వర్మ( Sanjay Kumar Verma )ను నిజ్జర్ హత్య కేసు అనుమానితుల జాబితాలో చేర్చింది.ఇండియాపై ఆంక్షలు విధించేందుకు సైతం ఆయన సిద్ధమవుతున్నారు.

దీనిపై భారత్ భగ్గుమంది.ఢిల్లీలోని కెనడా తాత్కాలిక హైకమీషనర్‌ను పిలిచి నిరసన వ్యక్తం చేయడంతో పాటు దౌత్య సిబ్బందిని బహిష్కరించింది.