పండుగ చేసుకుంటున్న  బీఆర్ఎస్ అసంతృప్తులు !

మొదట్లో అసంతృప్త నాయకుల హెచ్చరికలను పట్టించుకోనట్టుగా వ్యవహరించినా,  వారి కారణంగా కొన్ని సీట్లు కూడా పోగొట్టుకునేందుకు కేసీఆర్ ఇష్టపడడం లేదు.అందుకే అసంతృప్తి నాయకులను పిలిచి బుజ్జగించడంతో పాటు,  కొంతమందికి నామినేటెడ్ పదవులను కేటాయిస్తూ వారిని దగ్గర చేసుకునే ప్రయత్నం చేస్తున్నారు.  ఇదే విధంగా వేములవాడలో సిట్టింగ్ ఎమ్మెల్యే చెన్నమనేని రమేష్ కు టికెట్ ఇవ్వకపోవడంతో ఆయన అసంతృప్తికి గురవగా , ఆయనకు క్యాబినెట్ హోదాలో నామినేటెడ్ పదవిని కట్టబెట్టారు .అదేవిధంగా మరికొంతమందికి కీలక పదవులు ఇస్తూ నిన్న రాత్రి ఉత్తర్వులు జారీ చేశారు .తెలంగాణలో మూడు కార్పొరేషన్లకు చైర్మన్ లు,  ఓ కార్పొరేషన్ వైస్ చైర్మన్ నియమిస్తూ కేసీఆర్ నిర్ణయం తీసుకున్నారు.బీఆర్ఎస్ టికెట్ దక్కని సిట్టింగ్ ఎమ్మెల్యే ముత్తిరెడ్డి యాదగిరి ( Muttireddy yadagiri Reddy )రెడ్డి , తాటికొండ రాజయ్యకు కీలక పదవులు లభించాయి.