మానవత్వం మంటగలిసింది.. శవం కాళ్లకు గుడ్డ కట్టి ఎలా ఈడ్చుకెళ్లారో చూస్తే..

ఉత్తరప్రదేశ్‌లోని( Uttar Pradesh ) ఝాన్సీ సిటీలో జరిగిన ఒక షాకింగ్ ఘటన సోషల్ మీడియాని కుదిపేస్తోంది.

పోస్ట్‌మార్టం( Postmortem ) గృహం బయట ఇద్దరు వ్యక్తులు ఒక మృతదేహాన్ని( Dead Body ) కాళ్లకు గుడ్డ కట్టి ఈడ్చుకుంటూ వెళ్తున్న వీడియో వైరల్ కావడంతో తీవ్ర ఆగ్రహం వ్యక్తమవుతోంది.

కేవలం 9 సెకన్ల ఈ వీడియో క్లిప్‌లో అంబులెన్స్ సిబ్బందిగా( Ambulance Staff ) భావిస్తున్న ఇద్దరు వ్యక్తులు, మృతదేహాన్ని దారుణంగా లాక్కెళుతుండటం స్పష్టంగా కనిపిస్తోంది.ఈ దృశ్యం చూసిన నెటిజన్లు తీవ్ర దిగ్భ్రాంతికి గురవుతున్నారు.

ఈ ఘటన ఎప్పుడు జరిగిందనేది ఇంకా తెలియాల్సి ఉంది.అయితే, ఇదే నగరంలో కొద్ది రోజుల క్రితం ఒక వ్యక్తి ఆసుపత్రి బయట మృతదేహాన్ని అమానుషంగా తరలిస్తున్న వీడియో వైరల్( Viral Video ) అయిన సంగతి తెలిసిందే.

ఇప్పుడు ఈ కొత్త వీడియోతో, ప్రభుత్వ ఆసుపత్రుల్లో మరణించిన వారి పట్ల చూపిస్తున్న నిర్లక్ష్యంపై తీవ్ర స్థాయిలో విమర్శలు వస్తున్నాయి.మృతుల పట్ల కనీస మానవత్వం, గౌరవం లేకుండా ప్రవర్తిస్తున్న తీరుపై ప్రజలు మండిపడుతున్నారు.