బీజేపీ.. చివరి ప్రయత్నం !

జాతీయ నేతలు తరచూ రాష్ట్ర పర్యటనలు చేస్తున్నప్పటికి పార్టీలో పరిస్థితి మాత్రం దారికి రావడంలేదు.ఇప్పటికే రెండు సార్లు రాష్ట్రనికి వచ్చిన మోడీ( Modi ) ఈనెల 25 నుంచి 27 వరకు మరో మూడు రోజులు తెలంగాణలోనే మకాం వేయనున్నారు.ఇక తాజాగా రాష్ట్రానికి అమిత్ షా( Amit Shah ) కూడా వచ్చారు.వచ్చిరావడంతోనే బీజేపీ మేనిఫెస్టో ( BJP Manifesto )ప్రకటించి పార్టీలో జోష్ నింపే ప్రయత్నం చేశారు.

ప్రస్తుతం కాషాయ పార్టీ ప్రకటించిన మేనిఫెస్టో రాష్ట్రా రాజకీయాల్లో హాట్ టాపిక్ అయింది.ఏడాదికి నాలుగు ఉచిత గ్యాస్ సిలిండర్లు, మహిళలకు 10 లక్షల ఉద్యోగాలు, ప్రైవేట్ ఆసుపత్రుల్లోనూ రూ.10 లక్షల ఉచిత ఆరోగ్య కవరేజ్, ఎరువులపై సబ్సిడీ, రైతులకు ఉచిత పంటభీమా.ఇలా ఎన్నో అంశాలను మేనిఫెస్టోలో ప్రకటించింది కాషాయ పార్టీ.

ఇక ఈ మేనిఫెస్టోను ముమ్మరంగా ప్రజల్లోకి తీసుకెళ్ళేందుకు ప్రణాళికలు సిద్దం చేసుకుంటున్నారు కమలనాథులు.ప్రస్తుతం మేనిఫెస్టో అందరి దృష్టిని ఆకర్షించేలా ఉండడంతో పార్టీ నేతల్లో కూడా జోష్ పెరుగుతుందనే అభిప్రాయంలో కమలం పార్టీ అధిష్టానం ఉన్నట్లు తెలుస్తోంది.మరోవైపు ఎన్నికలకు ఎంతో సమయం లేకపోవడంతో అనుకున్న స్థాయిలో ఇప్పటివరకు పార్టీకి మైలేజ్ రాలేదు.దాంతో ఇకనుంచైనా ఉన్న ఈ కొద్ది సమయంలో ప్రచారంపై గట్టిగా దృష్టి పెట్టి ప్రజల్లోకి వెళ్లాలని భావిస్తోంది బీజేపీ అధిష్టానం.

మరి కమలనాథుల చివరి ప్రయత్నం ఎంతవరకు ఫలిస్తుందో చూడాలి.