John Kirby : భారతీయ విద్యార్ధులపై దాడులు .. అడ్డుకునేందుకు బైడెన్ యంత్రాంగం శ్రమిస్తోంది : వైట్‌హౌస్

అమెరికాలో భారతీయ విద్యార్ధుల వరుస మరణాలు కలవరపెడుతున్నాయి.దీంతో ఉన్నత చదువుల కోసం విదేశాలకు తమ పిల్లలను పంపాలనుకుంటున్న తల్లిదండ్రులు భయాందోళనలకు గురవుతున్నారు.

ఇప్పటికే విదేశాల్లో వున్న తమ పిల్లల భద్రతపైనా వారు ఆందోళన వ్యక్తం చేస్తున్నారు.ఈ నేపథ్యంలో అమెరికా అధ్యక్ష కార్యాలయం వైట్‌హౌస్ స్పందించింది.

అధ్యక్షుడు జో బైడెన్, ఆయన పరిపాలనా యంత్రాంగం.భారతీయ విద్యార్ధులపై దాడులను అడ్డుకోవడానికి తీవ్రంగా శ్రమిస్తున్నట్లు వైట్‌హౌస్( White House ) ఓ ప్రకటనలో తెలిపింది.

అమెరికాలోని వివిధ ప్రాంతాల్లో భారతీయ , భారత సంతతి విద్యార్ధులపై దాడులు జరుగుతున్న నేపథ్యంలో వైట్‌హౌస్‌లోని జాతీయ భద్రతా మండలిలో వ్యూహాత్మక కమ్యూనికేషన్ సమన్వయకర్త జాన్ కిర్బీ( John Kirby ) ఈ ప్రకటన చేశారు.