నాయీ బ్రాహ్మ‌ణుల‌ను కించ‌ప‌రిచే ప‌దాల‌ను ఏపీ ప్రభుత్వం నిషేధం విధించింది.మంగ‌లి, మంగ‌లోడా, మంగ‌లిది, కొండ మంగ‌లి అనే ప‌దాల‌ను ఉప‌యోగిస్తే నాయీ బ్రాహ్మ‌ణుల‌ను అవ‌మాన‌ప‌రిచిన‌ట్టుగా, వారి మ‌నోభావాల‌ను దెబ్బ‌తీసిన‌ట్టుగా భావిస్తార‌ని పేర్కొంది.
ఎవరైనా ఈ ప‌దాల‌ను వాడితే భార‌త శిక్షాస్మృతి 1860 కింద చ‌ట్ట‌ప‌ర‌మైన చ‌ర్య‌లు తీసుకుంటార‌ని తెలిపారు.ఈ మేర‌కు బీసీ సంక్షేమ శాఖ ముఖ్య కార్య‌ద‌ర్శి జి.జ‌య‌ల‌క్ష్మి జీవో జారీ చేశారు.
ఆగస్టు 7న జారీ చేసిన ఈ జీవో బుధవారం వెలుగులోకి వచ్చింది.
మ‌రోవైపు కులం పేరుతో దూష‌ణ‌ను నిషేధిస్తూ ఏపీ ప్రభుత్వం ఉత్తర్వుల ఇవ్వటంపై నాయి బ్రాహ్మణుల సంఘం హర్షం వ్యక్తం చేశారు.ఈక్ర‌మంలో జీవో ఎంఎస్ 50ను రాష్ట్రమంతట ప్రచారం చేసి తమ ఆత్మ గౌరవాన్ని కాపాడుకుంటాం అని నాయి బ్రాహ్మణ సంఘం నాయకులు పిలుపునిచ్చారు.
