‘‘గోల్డెన్ వీసా’’ స్కీమ్‌కు తెరదించిన ఆస్ట్రేలియా .. భారతీయులకు షాకేనా..?

ఆస్ట్రేలియా( Australia ) ప్రభుత్వం కీలక నిర్ణయం తీసుకుంది.కీలకమైన ‘‘గోల్డెన్ వీసా’’ విధానాన్ని రద్దు చేస్తున్నట్లు ప్రకటించింది.

ఈ కార్యక్రమం ఆశించిన ఆర్ధిక ఫలితాలను ఇవ్వడం లేదని ఆ దేశ హోం మంత్రిత్వ శాఖ వెల్లించింది.దీనికి బదులుగా వృత్తి నిపుణులకు ఇచ్చే వీసాలను పెంచనున్నట్లు తెలిపింది.

ఏంటీ గోల్డ్ వీసా :

విదేశాలకు చెందిన సంపన్న పెట్టుబడిదారులు కొన్నేళ్ల పాటు తమ దేశంలో నివసించేందుకు వీలుగా ఆస్టేలియా ప్రభుత్వం వీసాలను జారీ చేస్తుంది.ఆ దేశంలో 5 మిలియన్ డాలర్ల పెట్టుబడి పెట్టేవారు ఈ వీసాతో అక్కడ ఐదేళ్ల పాటు వుండొచ్చు.

విదేశీ పెట్టుబడిదారులను ఆకర్షించేందుకు 2012లో ఆస్ట్రేలియా ప్రభుత్వం ఈ పథకాన్ని ప్రారంభించింది.హోంశాఖ గణాంకాల ప్రకారం.ఇప్పటి వరకు దాదాపు లక్ష మంది ఈ కార్యక్రమం కింద ఆస్ట్రేలియాలో రెసిడెన్సీని దక్కించుకున్నారు.

వీరిలో 85 శాతం చైనా మిలియనీర్లే కావడం గమనార్హం.