ఊరించి ఊరించి ఉసూరుమనిపించిన ఎన్టీఆర్‌.. ఫ్యాన్స్‌ తీవ్ర నిరాశ

‘అరవింద సమేత’ చిత్రం ఆడియో విడుదల కార్యక్రమంకు బాలకృష్ణ ముఖ్య అతిథిగా వస్తాడు అంటూ ప్రచారం జోరుగా సాగింది.ఎన్టీఆర్‌ స్వయంగా బాలయ్యతో మాట్లాడి ఆడియో విడుదల కార్యక్రమంకు రావాల్సిందిగా కోరాడని, అందుకు బాబాయి ఓకే చెప్పాడు అంటూ నందమూరి ఫ్యాన్స్‌ ఊహల్లో తేలిపోయారు.ఆ తర్వాత మహేష్‌బాబు కూడా త్రివిక్రమ్‌ కోసం ఈ చిత్రం ఆడియో విడుదల కార్యక్రమంలో పాల్గొనేందుకు గ్రీన్‌ సిగ్నల్‌ ఇచ్చినట్లుగా ప్రచారం జరిగింది.

ఇక చివరిగా అమితాబచ్చన్‌ గురించి కూడా వార్తలు వచ్చాయి.ఈ చిత్రంలో బాలీవుడ్‌ మెగాస్టార్‌ అమితాబచ్చన్‌ ఒక కీలకమైన గెస్ట్‌ రోల్‌ను పోషించాడట.దాంతో ఆడియో విడుదల కార్యక్రమానికి హాజరు కాబోతున్నాడు అంటూ రకరకాలుగా వార్తలు వచ్చాయి.

అన్ని వార్తలు కూడా గాలి వార్తలే అని తేలిపోయింది.భారీ ఎత్తున ఫ్యాన్స్‌ ఊహించుకున్న ఊహాగాణాలన్నింటికి కూడా తెర పడ్డట్లయ్యింది.

ఆడియో విడుదల గెస్ట్‌ల సంగతి పక్కన పెడితే అసలు ఆడియో విడుదల కార్యక్రమమే లేదు అంటూ తేలిపోయింది.