TDP Bjp :ఢిల్లీ చుట్టూ తిరుగుతున్న ఏపీ రాజకీయం

ఏపీ రాజకీయాలు బాగా హీటెక్కాయి.

ఎన్నికల సమయం దగ్గర పడిన నేపథ్యంలో పొత్తులు, ఎత్తులు , సీట్ల సర్దుబాటుతో పాటు , ప్రజలను ఆకట్టుకునే విధంగా  ఏపీలోని రాజకీయ పార్టీల అధినేతలు బిజీబిజీగా మారిపోయారు .

వచ్చే ఎన్నికల్లో గెలవడం అన్ని పార్టీలకు అత్యంత ప్రతిష్టాత్మకం  కావడం తో పూర్తిగా ఈ వ్యవహారాలపైనే దృష్టి పెట్టాయి.  ముఖ్యంగా అధికార పార్టీ వైసీపీని మళ్లీ అధికారంలోకి రాకుండా చేసేందుకు టిడిపి,  జనసేనలతో పొత్తు పెట్టుకునేందుకు టిడిపి అధినేత చంద్రబాబు ఢిల్లీకి వెళ్లి కేంద్రం హోంమంత్రి అమిత్ షా ( Amit Shah )తో మంతనాలు చేశారు.

ఇక ఎన్డీఏలో చేరేందుకు టిడిపి అధినేత చంద్రబాబు సిద్ధమవుతున్నారు.బిజెపితో పొత్తులో భాగంగా ఆ పార్టీ కోరినన్ని అసెంబ్లీ , పార్లమెంటు స్థానాలను కేటాయించేందుకు సిద్ధం అయిపోయారు .