చెరువులో మునిగిపోయిన కూతుళ్లు.. కాపాడుతూ ప్రాణాలొదిలిన తండ్రి, కంటతడి పెట్టిస్తున్న విషాద ఘటన

అమెరికాలోని మైనేలో విషాదం చోటు చేసుకుంది.చెరువులో మునిగిపోతున్న తన ఇద్దరు కుమార్తెలను రక్షించే ప్రయత్నంలో ఓ తండ్రి ప్రాణాలు కోల్పోయాడు.

హోప్‌కు చెందిన 46 ఏళ్ల హెన్రీ బ్రూక్స్( Henry Brooks ) తన కుమార్తెలు నీటిలో మునిగిపోవడం గమనించి వెంటనే చెరువులోకి దూకాడు.ఇతని కుమార్తెలు మైనేలోని సెవెన్ ట్రీ పాండ్‌లోని( Seven Tree Pond ) లోతైన ప్రాంతంలో మునిగిపోయినట్లు మైనే వార్డెన్ సర్వీస్ తెలిపింది.

శనివారం నదీలోకి చెరువు నీరు సంగమించే ప్రదేశానికి సమీపంలోని లోతైన ప్రదేశంలో ప్రమాదవశాత్తూ ఓ బాలిక పడిపోయింది.ఆమెను రక్షించేందుకు ఆమె సోదరి నీటిలోకి దూకింది.

వీరిద్దరిని రక్షించేందుకు కొడుకుతో కలిసి హెన్రీ చెరువులోకి దూకుడు అయితే పిల్లలను కాపాడే సమయంలో అతను లైఫ్ జాకెట్ ధరించలేదని న్యూయార్క్ పోస్ట్ కథనంలో పేర్కొంది.హెన్రీ కొడుకు తన చెల్లెళ్లను రక్షించి తీరానికి సురక్షితంగా తీసుకొచ్చాడు.

హెన్రీ గల్లంతు కావడంతో సహాయక బృందాలు రెస్క్యూ ఆపరేషన్ చేపట్టాయి.కాసేపటి తర్వాత అతని మృతదేహాన్ని తీరానికి 50 అడుగుల దూరంలో మైనే వార్డెన్ సర్వీస్ సిబ్బంది కనుగొని వెలికి తీశారు.