యునైటెడ్ కింగ్‌డమ్‌లో( United Kingdom ) ఒక సామాన్యుడు చేసిన అసామాన్యమైన పని ఇంటర్నెట్‌లో వైరల్ అవుతోంది.చెషైర్‌లోని వారింగ్టన్‌లో( Warrington ) 32 ఏళ్ల కైల్ వైటింగ్ బార్బర్ షాపులో కటింగ్ చేయించుకుంటున్నాడు.
హేరోన్ బార్బర్స్‌లో హాయిగా కటింగ్ జరుగుతుండగా, ఒక్కసారిగా బయట గొడవ వినిపించింది.ఒక వ్యక్తి పోలీసు అధికారిపై( Police Officer ) దాడి చేస్తున్నాడు! కైల్ ఒక్క క్షణం కూడా ఆలోచించలేదు.
ఒంటి మీద కటింగ్ కేప్‌తోనే బార్బర్( Barber ) కుర్చీ నుంచి లేచి పరిగెత్తాడు.సినిమా సీన్‌ను తలపించేలా, దాడి చేస్తున్న వ్యక్తిని వెనక నుండి గట్టిగా పట్టుకుని పోలీసు అధికారిని రక్షించాడు.
చుట్టుపక్కల వాళ్లు కూడా వెంటనే స్పందించి సహాయం చేశారు.సీన్లోకి మరికొంతమంది పోలీసులు ఎంటర్ అవ్వడంతో, ఇక దుండగుడి ఆట కట్టయింది.
కైల్ చేసిన ఈ సాహసం ఇప్పుడు సోషల్ మీడియాలో హల్‌చల్ చేస్తోంది.నెటిజన్లు అతడిని రియల్ హీరో అంటున్నారు.
కైల్ వైటింగ్( Kyle Whiting ) తన గర్ల్‌ఫ్రెండ్‌ను వారింగ్టన్‌లోని ఆసుపత్రికి తీసుకెళ్తూ దారిలో హేరోన్ బార్బర్స్‌లో( Haron Barbers ) జుట్టు కత్తిరించుకోవడానికి ఆగాడు.సరిగ్గా అదే సమయంలో బయట ఒక పోలీసు అధికారిపై దాడి జరుగుతోంది.కైల్ చూస్తూ ఊరుకోలేకపోయాడు.ఎందుకంటే అతని సోదరి కూడా పోలీసు అధికారి కావడంతో, ఆమెకు ఇలాంటి పరిస్థితి వస్తే ఎవరైనా సహాయం చేయాలని అతను కోరుకుంటాడు.అందుకే కటింగ్ మధ్యలోనే ఆపేసి, ఒంటిమీద కేప్‌తోనే బయటకు పరిగెత్తాడు.ఆ దృశ్యాన్ని అతని బార్బర్ రికార్డ్ చేయడం మొదలుపెట్టాడు.
ఇక అంతే! ఈ వీడియో ఇంటర్నెట్‌లో తుఫానులా వ్యాపించింది.కైల్ చేసిన పనికి అందరూ ఫిదా అయిపోయారు.“కేప్డ్ క్రూసేడర్”, “హెయిర్‌కట్ హీరో” అంటూ సోషల్ మీడియాలో కామెంట్ల వర్షం కురిపించారు.ఒక నెటిజన్ అయితే “అందరూ హీరోలు కేప్ వేసుకోరు, కానీ ఇతను మాత్రం వేసుకున్నాడు!” అని కామెంట్ చేశాడు.
మరొకరు ఫన్నీగా “అది పక్షా? విమానమా? కాదు, ఇది హెయిర్‌కట్ మ్యాన్!” అంటూ నవ్వించాడు.చెషైర్ కానిస్టేబులరీ వైటింగ్ ను మెచ్చుకుంటూ ఆ 50 ఏళ్ల వ్యక్తిని అరెస్టు చేసి, నిపుణులకు అప్పగించినట్లు కన్ఫామ్ చేశారు.
