నల్లగొండ జిల్లా:జిల్లాలోని తిరుమలగిరి (సాగర్) మండలాన్ని రాష్ట్ర ప్రభుత్వం భూ సమస్యల పైన పైలెట్ ప్రాజెక్టుగా ఎంపిక చేసింది.ఇందులో భాగంగా మండలంలోని చింతలపాలెం గ్రామ శివారులో తెలంగాణ రాష్ట్ర ప్రభుత్వం స్పెషల్ డ్రైవ్,గ్రామసభ నిర్వహించారు.
ఈ కార్యక్రమానికి హాజరైన జిల్లా కలెక్టర్ నారాయణ రెడ్డి మాట్లాడుతూ రైతులు ఎవరైతే కాస్తు కబ్జాలో ఉంటారో వారి పొలం దగ్గర్నే రేపటి నుంచి సర్వేయర్లు వచ్చి సర్వే చేస్తారని తెలిపారు.దాని ప్రకారం ప్రతి ఒక్కరికి పట్టా పాస్ పుస్తకాలు అందుతాయన్నారు.
ఈ పైలెట్ ప్రాజెక్టు ద్వారా మీ సమస్యలు శాశ్వతంగా పరిష్కారం అవుతాయని చెప్పారు.ఈ కార్యక్రమంలో జాయింట్ కలెక్టర్,ఆర్డీఓ, ఎమ్మార్వో,సర్వేయర్లు,గ్రామ కార్యదర్శి,రైతులు పాల్గొన్నారు.
