ఓటుకు నోటు : ఎక్కువ ఇచ్చిన వారికే ఛాన్స్ ? 

 ప్రస్తుతం తెలంగాణ అసెంబ్లీ ఎన్నికల్లోను( Telangana Assembly elections ) ఓటుకు నోటు కీలకంగా మారింది.ఎవరు ఎక్కువ సొమ్ములు ఇస్తే వారికి ఓటు అన్నట్లుగా ఎక్కువమంది ప్రజల అభిప్రాయం ఉంది.ఎన్నికల ప్రచారం ముగియడంతో ప్రధాన పార్టీలన్నీ సొమ్ములు పంపిణీ పైనే దృష్టి పెట్టాయి.నాయకులంతా ఓటర్లను ప్రసన్నం చేసుకునే పనుల్లో బిజీగా మారారు.కాలనీ సంఘాలు,  కుల, మహిళా సంఘాలతో రహస్యంగా ఓటర్లను ప్రలోభ పెట్టే కార్యక్రమానికి శ్రీకారం చుట్టాయి.  ఇప్పటికే మద్యం బాటిల్లు,  నగదును ద్వితీయ శ్రేణి నేతలు ఓటర్లకు పంపిణీ చేస్తూ బిజీగా ఉన్నారు.

ఇక స్థానిక వ్యాపారులు అనుచరులతో ఫోన్ పే ,గూగుల్ పే వంటి యూపీఐ యాప్ ల  ద్వారా నగదు పంపిణీ కార్యక్రమాలకు శ్రీకారం చుట్టారు.ఓటుకు రెండు నుంచి ఐదువేల వరకు సొమ్ములు పంపిణీ చేస్తున్నట్లు సమాచారం.

అన్ని పార్టీల దగ్గర డబ్బు తీసుకుని ఎవరు ఎక్కువ ఇస్తే వారికి ఓట్లు వేసేందుకు ఓటర్లు కూడా సిద్ధం అవుతున్నారట.

నోట్లు , మద్యం ( Notes liquor )పంపిణీ ని అడ్డుకునేందుకు పోలీసులు , ఎన్నికల సంఘం అధికారులు ఎన్ని ప్రయత్నాలు చేస్తున్నా , ఎటువంటి అడ్డంకులు లేకుండా పగడ్బందీగా ఈ నోట్ల పంపిణీ కార్యక్రమాలు జరిగిపోతున్నాయి. ప్రధాని పార్టీలన్నిటికీ ఈ ఎన్నికలు అత్యంత ప్రతిష్టాత్మక కావడంతో ఎంత సొమ్ములైన ఖర్చు పెట్టేందుకు సిద్ధంగానే ఉన్నాయి.దీనికి తగ్గట్లు గానే అన్ని పార్టీల నుంచి ఓటర్లు భారీగానే సొమ్ములు ఆశిస్తున్నారు.