రాజన్న సిరిసిల్ల జిల్లా: తెలంగాణ రాష్ట్ర ప్రభుత్వం ఇచ్చిన డబుల్ బెడ్ రూమ్( Double bedroom ) లో నివసిస్తున్న ఓ పేద కుటుంబానికి పక్షవాతం రూపంలో పెద్ద కష్టం వచ్చింది.ఎల్లారెడ్డిపేట మండల కేంద్రానికి చెందిన గౌరీ( Gauri ) గారి మానసకు ఒక్కసారిగా పక్షవాతం రాగా ఎల్లారెడ్డిపేట మండలంలోని ఓ ప్రైవేట్ ఆసుపత్రికి తీసుకువెళ్లగా డాక్టరు పెద్ద ఆసుపత్రికి తీసుకెళ్లాల్సిందిగా సూచించగా జిల్లా కేంద్రంలో ఉన్న ఓ ప్రైవేట్ ఆసుపత్రిలో చికిత్సను అందిస్తున్నారు.
రెక్కాడితే గాని డొక్కాడని ఆ కుటుంబంలో ఉన్నట్టుండి భార్యకు పక్షవాతం రాగా చేతిలో చిల్లిగవ్వ లేక ఆపన్న హస్తం కొరకు ఎదురు చూస్తున్నాడు.సమాచారం అందుకున్న దోస్త్ యూత్ సభ్యులు మంగళవారం మానస భర్త సతీష్ కు 5 వేల ఆర్థిక సహాయాన్ని అందజేశారు.
ఈ సందర్భంగా వారు మాట్లాడుతూ దాతలు ఎవరైనా ఉంటే మానవత దృకృతంతో స్పందించి ఆర్థిక సహాయం ఫోన్ పే 7993871392 కు అందజేయాలని అన్నారు.చందనం శివరామకృష్ణ, ధ్యాగం శ్యామ్,ఈసరి కిరణ్, మేగీ రాజు, ధ్యాగం రాజేష్ తదితరులు పాల్గొన్నారు.
