ఎన్నారైలు, ఓసీఐలు నేషనల్ పెన్షన్ సిస్టమ్‌లో ఎలా పెట్టుబడి పెట్టాలి..?

నాన్-రెసిడెంట్ ఇండియన్స్ (NRIs), ఓవర్సీస్ సిటిజన్స్ ఆఫ్ ఇండియా (OCIs) తమ పదవీ విరమణ తరువాత ఆదాయాన్ని పొందేందుకు నేషనల్ పెన్షన్ సిస్టమ్ (NPS)లో పెట్టుబడి పెట్టవచ్చు.ఎన్‌పీఎస్ అనేది వ్యక్తులు పెన్షన్ ఫండ్‌ను నిర్మించుకోవడానికి అనుమతించే ఒక ప్రభుత్వ పథకం.

1.పెట్టుబడి:

ఎన్నారైలు ఎన్‌పీఎస్‌లో ఎంత మొత్తాన్ని అయినా పెట్టుబడి( Investment ) పెట్టవచ్చు, అయితే వారు కనీసం సంవత్సరానికి రూ.6,000 పెట్టుబడి పెట్టాలి.గరిష్ట పరిమితి లేకుండా దేశీయ పెట్టుబడిదారులకు తక్కువ కనీస అవసరాలు ఉన్నాయి.

2.పన్ను ప్రయోజనాలు:

భారతీయ ఆదాయపు పన్ను చట్టంలోని( Income Tax Act ) కొన్ని సెక్షన్ల కింద తగ్గింపులతో పాటు దేశీయ చందాదారుల మాదిరిగానే ఎన్నారైలు కూడా అదే పన్ను ప్రయోజనాలను పొందవచ్చు.

3.అకౌంట్ ఓపెనింగ్:

ఎన్నారైలు NRE, NRO వంటి రీపాట్రియబుల్ లేదా నాన్-రిపాట్రియబుల్ బ్యాంక్ ఖాతాలతో ఎన్‌పీఎస్‌ ఖాతాలను ఓపెన్ చేయవచ్చు.

4.వయో పరిమితి:

18 – 70 ఏళ్ల మధ్య ఉన్న ఎన్నారైలు వారి ఎన్‌పీఎస్‌ ప్రయాణాన్ని ప్రారంభించడానికి శాశ్వత పదవీ విరమణ ఖాతా సంఖ్య (PRAN) పొందవచ్చు.

5.విత్‌డ్రా:

మెచ్యూరిటీలో ఎన్నారైలు పన్ను చెల్లించాల్సిన అవసరం లేకుండా వారి కార్పస్‌లో 60% విత్‌డ్రా చేసుకోవచ్చు.మిగిలిన 40% తప్పనిసరిగా యాన్యుటీ ప్లాన్‌లో పెట్టుబడి పెట్టాలి.నిర్దిష్ట ఆర్థిక అవసరాల కోసం మూడేళ్ల తర్వాత పాక్షిక విత్‌డ్రాలకు అనుమతి ఉంటుంది.

6.రిక్వైర్‌మెంట్స్:

ఎన్నారైలు తప్పనిసరిగా సరైన ఏజ్ కలిగి ఉండాలి.వాలీడ్ బ్యాంక్ అకౌంట్( Valid Bank Account ) ఉండటం తప్పనిసరి.కేవైసీ నిబంధనలకు అనుగుణంగా ఉండాలి.టైర్ I ఖాతాలను మాత్రమే ఓపెన్ చేయాలి.భారతీయ పౌరులుగా ఉండటాన్ని నిలిపివేస్తే, వారి ఎన్‌పీఎస్‌ సబ్‌స్క్రిప్షన్ క్యాన్సిల్ అవుతుందని గమనించాలి.