పంటలలో కలుపు నివారణకు యాజమాన్య పద్ధతులు..!

పంటకు జరిగే నష్టాలలో కలుపు( Weeds ) ప్రధాన పాత్ర పోషిస్తుంది.వర్షాలు కురిసినప్పుడు భూమిలో ఉన్నటువంటి కలుపు విత్తనాలు మొలకెత్తి కలుపు మొక్కలు పంటకు తీవ్ర నష్టాన్ని కలిగిస్తాయి.

పంట మొక్కలకు అందాల్సిన నీరు, పోషకాలు, సూర్యరశ్మి ను కలుపు మొక్కలు గ్రహించడం వల్ల చీడపీడల బెడద( Pests ) పెరిగి పంట నాణ్యత తగ్గుతుంది.ఏ పంట వేసిన కలుపు నివారించే పద్ధతులను పాటించాలి.

వరి నారుమడి:

ఉదా మరియు వెడల్పాకు కలుపు మొక్కలను నివారించేందుకు విత్తిన 15 రోజులకు ఒక ఎకరాకు 100 మిల్లీలీటర్ల బిస్ పైరిబాక్ సోడియం 10% ద్రావణంను 200మీ.లీటర్ల నీటిలో కలిపి పిచికారి చేయాలి.

వరి పొలం:

వరి( Rice ) నాటిన ఐదు రోజులలోపు పొలంలో ఐదు సెంటీమీటర్ల వరకు నీరు నిలువ గట్టి ఒక లీటరు నీటిలో 8 గ్రాముల పైరజోస సల్ఫ్యూరాన్ ఇథైల్ 10 శాతం డబ్ల్యూపి ను కలిపి ఇందులో 20 కిలోల పొడి ఇసుక కలుపుకొని పొలంలో సమానంగా చల్లుకోవాలి.

కంది, పెసర:

విత్తిన 48 గంటల లోపు తేమ ఉండే నేలపై ఒక ఎకరానికి ఒకటి పాయింట్ ఆరు లీటర్ల పెండిమిథాలిన్( Pendimethalin ) 30శాతం ద్రావణంను 200 మీ.లీటర్ల నీటిలో కలుపుకొని పిచికారి చేయాలి.గడ్డి జాతి కలుపు అధికంగా ఉంటే ఫెనాక్సీప్రాస్- ఇథైర్ 9శాతం ద్రావణం 250 మీ.లీ ను 200 లీటర్ల నీటిలో కలుపుకొని పంటకు పిచికారి చేసుకోవాలి.

మొక్కజొన్న:

విత్తిన 12 గంటల లోపు అట్రజిన్ 50శాతం 0.8 మి.లీ ను ఒక లీటరు నీటిలో కలిపి పిచికారి చేయాలి.గడ్డి జాతి కలుపు నివారణకు 115 మి.లీ టెంబోట్రియోన్ 34.4శాతం ను 200మి.లీ నీటిలో కలిపి పంటకు పిచికారి చేయాలి.

పత్తి:

విత్తిన రెండు రోజుల వ్యవధిలో ఒక ఎకరాకు ఒక లీటరు పెండిమిథాలిన్ 30శాతం ను 200 లీటర్ల నీటిలో కలిపి పిచికారి చేయాలి.క్రమం తప్పకుండా పొలంలో అంతర కృషి చేస్తుండాలి.