ప్రముఖ సోషల్ మీడియా సంస్థ వాట్సాప్ దాదాపుగా రోజుకో అప్డేట్ ఇస్తూ పోతోంది.ఈ క్రమంలోనే తాజాగా మరో కొత్త ఫీచర్ను తీసుకువచ్చింది.
ఆ ఫీచర్ ద్వారా ఏకకాలంలో 100 మీడియా ఫైల్స్ ను ఒకేసారి షేర్ చేసేలా యాప్ ను అప్డేట్ చేసింది.కాగా ప్రస్తుతానికి ఈ ఫీచర్ ఎంపికచేసిన అతికొద్దిమంది యూజర్లకు మాత్రమే అందుబాటులో వున్నట్టుగా గోచరిస్తోంది. వాట్సాప్ యాప్ ను అప్ డేట్ చేసుకున్న, ఆండ్రాయిడ్ 2.23.4.3 (android 2.23.4.3 version) వర్షన్ తో ఉన్న బీటా యూజర్లకు ప్రస్తుతానికి ఈ ఫీచర్ అందుబాటులో ఉన్నట్టు సమాచారం.
ఇక దానికోసం WhatsApp యూజర్లు ముందుగా, గూగుల్ ప్లే స్టోర్ లోని వాట్సాప్ లేటెస్ట్ వర్షన్ డౌన్లోడ్ చేసుకోవలసి ఉంటుంది.అలాగే సమీప భవిష్యత్తులో మిగతా యూజర్లకు కూడా ఈ ఫీచర్ అందుబాటులోకి రానుంది.అయితే ఎప్పుడు వస్తుంది అనే విషయం మాత్రం ఇంకా క్లారిటీ లేదు.
ఇంకా అధికారికంగా ఓ ప్రకటన వెలువడాల్సి వుంది.WhatsApp లో ఒకేసారి 30కి పైగా మీడియా ఫైల్స్ ను షేర్ చేయడానికి ప్రయత్నించడం ద్వారా ఈ ఫీచర్ సదరు యూజర్లకు అందుబాటులో ఉందో, లేదో తెలుసుకోవచ్చు.
ఈ ట్రయిల్ లో మీరు 30కి పైగా మీడియా ఫైళ్లను ఒకేసారి, షేర్ చేయగలిగితే మాత్రం ఇక 100 ఫైళ్ల వరకు షేర్ చేసే సదుపాయాన్ని పొందినట్టే.ఇక్కడ ప్రతీసారి వేర్వేరుగా ఫొటోలు, లేదా మీడియా ఫైల్స్ ను షేర్ చేసే బదులు ఒకే క్లిక్ తో మొత్తం అల్బమ్ ను ఈ ఫీచర్ ద్వారా షేర్ చేసుకొనే వెసులుబాటు ఉంటుందని గుర్తుపెట్టుకోండి.ఇదే కాకుండా, మరికొన్ని కొత్త, యూజర్ ఫ్రెండ్లీ ఫీచర్లను కూడా వాట్సాప్ ఎప్పటికప్పుడు మెరుగు పరుస్తూ వస్తోంది.గ్రూప్స్ చాట్స్, ఇండివిడ్యువల్ చాట్స్ లో ముఖ్యమైన సందేశాలను ఇకపై ప్రత్యేకంగా పిన్ చేసుకోవచ్చు.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
