యంగ్ అండ్ టాలెంటెడ్ హీరో అడవి శేష్ హీరోగా యంగ్ డైరెక్టర్ శైలేష్ కొలను దర్శకత్వంలో తెరకెక్కిన ఆసక్తికరమైన క్రైమ్ ఇన్వెస్టిగేషన్ థ్రిల్లర్ ”హిట్ 2”.ఈ సినిమాతో హిట్ పరంపర మరోసారి కొనసాగుతుంది.
హిట్ 1 సినిమా విశ్వక్ సేన్ హీరోగా 2020 లో తెరకెక్కి బాక్సాఫీస్ దగ్గర మంచి కలెక్షన్స్ రాబట్టి సూపర్ హిట్ అనిపించుకుంది.ఇక ఈ సినిమా సూపర్ హిట్ అవ్వడంతో దీనికి సీక్వెల్ కూడా ప్లాన్ చేసారు దర్శక నిర్మాతలు.
ఈ సినిమాను న్యాచురల్ స్టార్ నాని స్వయంగా నిర్మించారు.వాల్ పోస్టర్ సినిమా బ్యానర్ పై ఈ హిట్ ఫ్రాంచైజీ తెరకెక్కించారు.ఈ సినిమా డిసెంబర్ 2న రిలీజ్ అయ్యి సూపర్ హిట్ టాక్ తెచ్చుకుంది. మీనాక్షి చౌదరి కథానాయికగా నటించిన ఈ సినిమా విడుదల అయిన అన్ని చోట్ల పాజిటివ్ స్పందన రావడంతో కలెక్షన్స్ కూడా బాగా వచ్చాయి.
ఇక ఇప్పుడు ఈ సినిమాను హిందీలో కూడా మేకర్స్ రిలీజ్ చేయడానికి సన్నాహాలు చేస్తున్నారు.ఈ సినిమా ప్రొమోషన్స్ సమయంలోనే హిందీ వర్షన్ కూడా ఉంటుంది అని అడవి శేష్ చెప్పడంతో పక్కాగా ఈ సినిమా హిందీలో ఉంటుంది అని తెలిసి పోయింది.
మరి ఇది రిలీజ్ అయిన నెల తర్వాత ఈ సినిమా హిందీలో రిలీజ్ చేయబోతున్నారు.
తాజాగా దీనికి సంబంధించిన పోస్టర్ అఫిషియల్ గా రిలీజ్ చేసారు.డిసెంబర్ 30న ఈ సినిమా నార్త్ బెల్ట్ లో ప్రేక్షకులను అలరించడానికి సిద్ధం అవుతుంది.ఈ సినిమాను హిందీ లో గ్రాండ్ మాస్టర్ ఇంకా బి4యు మోషన్ పిక్చర్స్ విడుదల చేయనుంది.
అక్కడ కూడా త్వరలోనే ప్రొమోషన్స్ స్టార్ట్ కానున్నాయి.మరి నాని సమర్పణలో వచ్చిన ఈ సినిమా హిందీ ప్రేక్షకులను ఎలా మెప్పిస్తుందో వేచి చూడాల్సిందే.
