అమిత్ షా, ఎన్టీఆర్ భేటీ వెనుక అసలు ప్లాన్ ఇదే.. మరీ పవన్ కళ్యాణ్ పరిస్థితి ఏంటో!

టాలీవుడ్ హీరో జూనియర్ ఎన్టీఆర్ తాజాగా దేశ రాజకీయాలను శాసిస్తున్న భేటీ అవ్వడం ప్రస్తుతం తెలుగు ఇండస్ట్రీలో సంచలనంగా మారింది.

అలాగే రాజకీయాలలో కూడా ఇదే హాట్ టాపిక్ గా మారింది.

ఎక్కడ చూసినా కూడా ఇదే విషయం గురించే చర్చలు వినిపిస్తున్నాయి.ఆర్ఆర్ఆర్ సినిమాలో యాక్షన్ సన్నివేశాలలో ఎన్టీఆర్ అద్భుతంగా నటించాడు.

అందువల్లే అభినందనలలో భాగంగా అమిత్ షా ఎన్టీఆర్ కలిశారు అని బండి సంజయ్ లాంటి వారు చెబుతున్నారు.ఎన్టీఆర్ సినిమా విడుదల కాకముందు సినిమా రీళ్లు తగలబెట్టేస్తాం అని నానా హంగామా చేసిన హెచ్చరికలు జారీ చేసిన బీజేపి లీడర్ బండి సంజయ్.

ఇప్పుడు ఆర్ఆర్ఆర్ సినిమాని పొగడ్డానికే మా బాస్ వచ్చారని చెప్పడం ఆశ్చర్యాన్ని కలిగిస్తుంది.మరి అమిత్ షాని ఎన్టీఆర్ ఎందుకు కలిశాడు? రాజకీయపరంగా కలిసాడ?లేదంటే సినిమాల పరంగా కలిశాడా అన్నది ఆ టాపిక్ గా మారింది. అమిత్ షా,ఎన్టీఆర్ ఇద్దరూ హైదరాబాద్‌లోని నోవాటెల్‌లో దాదాపు అరగంట పాటు సమావేశమయ్యారు.

ఆర్ఆర్ఆర్ విజయోత్సవంలో భాగంగానే అమిత్ షా ఎన్టీఆర్‌ని కలిశారని పైకి చెప్తున్నాడు.ఒకవేళ అదే వార్త నిజం అయితే ఆ సినిమాలో ఎన్టీఆర్ తో పాటు రామ్ చరణ్ కూడా నటించాడు కదా, అంతటి గొప్ప సినిమాను తెరకెక్కించిన దర్శకుడు రాజమౌళికి ఆహ్వానం అందలేదు ఎందుకు అంటూ అనుమానాలు వ్యక్తం అవుతున్నాయి.