రజనీకాంత్ పరిస్థితి మరీ ఇంత ఘోరమా.. పెద్దన్న మూవీ రేటింగ్ ఎంతంటే?

సౌత్ ఇండియాలో రజనీకాంత్ కు ఉన్న పాపులారిటీ అంతాఇంతా కాదు.ఒకప్పుడు రజనీకాంత్ నటించిన సినిమాలు థియేటర్లలో విడుదలై కలెక్షన్ల విషయంలో రికార్డులు సృష్టించాయి.

నరసింహ, చంద్రముఖి, శివాజీ, రోబో సినిమాలు తెలుగులో భారీ బ్లాక్ బస్టర్ హిట్లుగా నిలిచాయి.అయితే రోబో తర్వాత రజనీకాంత్ నటించిన సినిమాలు ప్రేక్షకులను పెద్దగా ఆకట్టుకోలేదు.

కొన్ని సినిమాలు ఫ్లాప్ అయితే మరికొన్ని సినిమాలు డిజాస్టర్లు అయ్యాయి.శంకర్ డైరెక్షన్ లో రజనీకాంత్ హీరోగా తెరకెక్కిన 2.0 సినిమా సైతం ప్రేక్షకులను ఏ మాత్రం ఆకట్టుకోలేదు.గతేడాది రజనీకాంత్ నటించి విడుదలైన పెద్దన్న సినిమా బాక్సాఫీస్ వద్ద ఫ్లాప్ అయిన సంగతి తెలిసిందే.

తాజాగా ఈ సినిమా ప్రముఖ ఎంటర్టైన్మెంట్ ఛానెల్స్ లో ఒకటైన జెమిని ఛానెల్ లో ప్రసారమైంది.ఈ సినిమాకు వచ్చిన టీఆర్పీ రేటింగ్ కేవలం 6.35 కావడం గమనార్హం.ఈ రేటింగ్ ను చూసిన నెటిజన్లు రజనీకాంత్ పరిస్థితి ఇంత ఘోరమా అని కామెంట్లు చేస్తున్నారు.