ఒకే మూవీ.. డిఫరెంట్ లుక్స్.. అలరించబోతున్న టాలీవుడ్ స్టార్స్..

ఏ పాత్ర అయినా ఒదిగిపోయి నటించాలి.ఇది చేయను.

అది చేయను.

అని చెప్పకూడదు.

అప్పుడే సంపూర్ణ నటులు అవుతారు.ప్రస్తుతం అదే ప్రయత్నాల్లో ఉన్నారు చాలా మంది నటులు.

ఒకే సినిమాలో రకరకాల గెటప్స్ తో కనిపించేందుకు రెడీ అవుతున్నారు.ప్రస్తుతం టాలీవుడ్ లో ఇలాంటి రోల్స్ చాలా మంది చేస్తున్నారు.

తాజాగా మూడు సినిమాల్లో రెండు షేడ్స్ ఉన్న క్యారెక్టర్లు చేస్తున్నాడు మెగాస్టార్ చిరంజీవి.ఆచార్య సినిమాలో సాధారణ పౌరుడిగా, నక్సలైట్ గా కనిపించ బోతున్నాడు.

అటు గాడ్ ఫాదర్, వాల్తేరు వీరయ్య సినిమాల్లోనూ ఈయన రెండు డిఫరెంట్ రోల్స్ చేస్తున్నట్లు తెలుస్తోంది.అటు త్రిఫుల్ ఆర్ సినిమాలోనూ రాంచరణ్, ఎన్టీఆర్ రెండు డిఫరెంట్ పాత్రల్లో కనిపించనున్నట్లు తెలుస్తోంది.రాజమౌళి తెరకెక్కించిన ఈ మూవీ.1920 బ్యాక్‌ డ్రాప్‌లో ఢిల్లీ నేపథ్యంలో స్టోరీ నడుస్తుంది.ఇందులో కొమురం భీమ్ పాత్రలో ఎన్టీఆర్, అల్లూరి సీతారామ రాజు పాత్రలో రాంచరణ్ కనిపించనున్నాడు.

ఈ సినిమాలో తాను మూడు పాత్రల్లో కనిపించనున్నట్లు రాంచరణ్ వెల్లడించాడు.పోలీసు అధికారి, అల్లూరితో పాటు మరో లుక్ లో కనిపిస్తాడట.

అటు ఎన్టీఆర్ కూడా యంగ్ భీమ్ తో పాటు ఓల్డ్ వేరియేషన్ లో కనిపిస్తాడట.ఇదే కాదు.

శంకర్ దర్శకత్వంలో వస్తున్న సినిమాలోనూ రాంచరణ్ రెండు పాత్రల్లో కనిపిస్తాడట.ఐఏఎస్ అధికారి నుంచి రాజకీయ నాయకుడిగా మారే పాత్రలో తను నటిస్తాడట.