చిన్న వయసులోనే హార్ట్ అటాక్ తో యూట్యూబ్ స్టార్ కన్నుమూత.. దీప్తి సునైనా దిగ్భ్రాంతి!

ప్రస్తుతం తెలుగు సినీ ఇండస్ట్రీలో వరుసగా విషాదాలు చోటు చేసుకుంటున్నాయి.ఒకరి తరువాత మరొకరు మరణిస్తూనే ఉన్నారు.

ఒకరు చనిపోయి ఆ బాధ నుంచి ఇంకా కోలుకోకముందే మనకు సంఘటనలు జరుగుతున్నాయి.ఇప్పటికే తెలుగు సినీ ఇండస్ట్రీలో పలువురు ప్రముఖులు చనిపోగా తాజాగా టాలీవుడ్ లో మరో విషాదం చోటు చేసుకుంది.

ప్రముఖ యూట్యూబర్,సోషల్ మీడియా ఇన్ ఫ్లూయెన్సర్ శ్రీయ మురళీధర్ మృతి చెందారు.డిసెంబర్ 7 న ఈమె గుండెపోటుతో మరణించింది.7వ తేదీ రాత్రి ఆమెకు చాతిలో నొప్పి రావడంతో కుటుంబ సభ్యులు స్థానిక ఆస్పత్రికి తరలించారు.ఆమెను పరీక్షించిన వైద్యులు అప్పటికే ఆమె మరణించినట్లు స్పష్టం చేశారు.

యూట్యూబ్ ద్వారా మంచి గుర్తింపు తెచ్చుకున్న శ్రీయ మురళీధర్ యాంకర్ ప్రదీప్ రియాల్టీ షో పెళ్లిచూపులు షో లో కంటెస్టెంట్ గా పాల్గొంది.అంతేకాకుండా పలు షార్ట్ ఫిలిమ్స్ లో కూడా నటించింది.

అలాగే బుల్లితెరపై పలు కార్యక్రమాల్లో యాంకర్ గా కూడా వ్యవహరించింది.ఈమె బ్యూటీ అండ్ ద బాస్ సీజన్ 2లో ఓ పాత్ర చేసింది.

అలాగే వాట్ ద ఫన్ అనే యూట్యూబ్ ఛాన‌ల్‌లో ఆమె చేసిన పలు వీడియోలు నెటిజన్ లను బాగా ఆకట్టుకున్నాయి.