ఆ చంద్రుడు అలా ఆలోచిస్తున్నాడు .. ఈ చంద్రుడు ఇలా ఆలోచిస్తున్నాడు

నిర్ణీత సమయంలోనే లోక్‌సభతో పాటు అసెంబ్లీకి ఎన్నికలు జరగాలని చంద్రబాబు ఆలోచిస్తున్నారు.ఇలా ఇద్దరు ముఖ్యమంత్రులు భిన్నంగా ఆలోచించడానికి కొన్ని ప్రత్యేక కారణాలున్నాయి.ఎన్నికలు తన ప్రభుత్వ పనితీరు ఆధారంగానే జరగాలని కేసీఆర్‌ భావిస్తున్నారు.

లోక్‌సభ ఎన్నికలతో పాటు అసెంబ్లీకి ఎన్నికలు జరిగితే జాతీయ అంశాలు ప్రభావం చూపుతాయని, అప్పుడు తన పార్టీకి నష్టం తప్ప లాభం ఉండదని కేసీఆర్ భావిస్తున్నారు.ముఖ్యంగా హైదరాబాద్‌లోని ముస్లింలు జాతీయస్థాయిలో బీజేపీ కాంగ్రెస్‌లను పోటీదారులుగా భావించి కాంగ్రెస్‌కు ఓటేసే అవకాశం ఉంటుందన్నది కేసీఆర్ ఆలోచన.

దాని వల్ల ఒకేసారి ఎన్నికలు జరిగితే మైనార్టీలు లోక్‌సభతో పాటు.పనిలోపనిగా అసెంబ్లీకి కూడా కాంగ్రెస్‌కు ఓటేసే అవకాశం ఉంటుందని భావిస్తున్నారు.అదే అసెంబ్లీకి ప్రత్యేకంగా ఎన్నికలు నిర్వహిస్తే.

తెలంగాణలో టీఆర్ఎస్‌కు ప్రత్యామ్నాయం అనిపించే పరిస్థితుల్లో కాంగ్రెస్‌ గానీ, మరే పార్టీగాని లేదన్నది కేసీఆర్‌ అభిప్రాయంగా పార్టీ నేతలు చెబుతున్నారు.పైగా వ్యక్తిగత ఇమేజ్‌ పరంగానూ కేసీఆర్‌కు పోటీ ఇచ్చే వారు కాంగ్రెస్‌లో లేకపోవడాన్ని కూడా టీఆర్‌ఎస్ గుర్తు చేస్తోంది.