స్పేస్‌‌లోకి దూసుకెళ్లిన యువరాజ్ సింగ్ బ్యాట్.. వీడియో వైరల్!

టీమ్ ఇండియా మాజీ ఆల్‌రౌండర్ యువరాజ్ సింగ్ క్రికెట్‌లో సాధించిన రికార్డుల గురించి ప్రత్యేకంగా చెప్పనక్కర్లేదు.

అనేక మ్యాచ్‌ల్లో సిక్సర్లతో చెలరేగిపోయి చరిత్రలోనే గొప్ప క్రికెటర్లలో ఒకరిగా యువరాజ్ సింగ్ పేరు తెచ్చుకున్నాడు.

అయితే తాజాగా అతడు మరో అరుదైన ఘనత సాధించాడు.యువరాజ్ సింగ్ తన తొలి సెంచరీ సాధించడానికి ఉపయోగించిన ఒక బ్యాట్‌ను ఎన్​ఎఫ్​టీ మార్కెట్ కలెక్షన్ సంస్థ తాజాగా అంతరిక్షంలోకి పంపించింది.

దీనితో స్పేస్‌‌లోకి వెళ్లిన తొలి బ్యాట్‌గా యువరాజ్ సింగ్ బ్యాట్ చరిత్ర సృష్టించింది.ఆసియాకు చెందిన ఒక ఎన్​ఎఫ్​టీ (NFT) మార్కెట్​ కలెక్షన్​ సంస్థ ఎన్​ఎఫ్​టీలను జారీ చేయడానికి యువరాజ్‌తో ఒప్పందం కుదుర్చుకుంది.

దీనివల్ల యువరాజ్ సింగ్ కు సంబంధించిన ఎన్​ఎఫ్​టీలను అభిమానులకు అమ్మే అవకాశం ఉంది.యువరాజ్ సింగ్ మాటలను, క్రికెట్ ట్రోఫీలు, బ్యాట్, గ్లోవ్స్, ఇలా అతనికి సంబంధించిన అన్నిటిని డిజిటలైజ్ చేసి అభిమానులకు అమ్మడానికి ఈ ఒప్పందం కుదుర్చుకున్నట్లు తెలుస్తోంది.