వైయస్సార్ టిపి కి శల్య సారధ్యం చేస్తున్న షర్మిల?

కురుక్షేత్ర సంగ్రామం లో కర్ణుడు రథసారథి శల్యుడు వృత్తాంతం అందరికీ తెలిసిందే.

కర్ణుని ప్రతిభ పాటవాలను తక్కువ చేసి ప్రత్యర్థులను పొగుడుతూ కర్ణుడి ఆత్మవిశ్వాసాన్ని దెబ్బతీసి అంతిమంగా అతని పరాజయానికి తద్వారా అతని మరణానికి కారకుడయ్యాడు.

ఇలా పక్కన ఉండి దారి తప్పించే వారిని శల్య సారధ్యంతో పోలుస్తూ ఉంటారు.అయితే తన సొంత పార్టీని తన వ్యూహాత్మక తప్పిదాలతో పూర్తిగా నిర్వీర్యం చేస్తున్నారని షర్మిల( YS Sharmila ) కూడా అదే చేస్తున్నారని విశ్లేషణలు వస్తున్నాయి.

ఎన్ని ప్రయత్నాలు చేసినా పెద్దగా ప్రభావం చూపలేకపోవడం తో కాంగ్రెస్లో విలీనం( Congress ) దిశగా నిర్ణయం తీసుకోవడం తో ఆమె సరైన ట్రాక్ లోనే వెళ్తున్నారన్న విశ్లేషణలు వచ్చాయి.సొంతంగా పెద్దగా బలం పుంజుకోలేకపోయారు కాబట్టి కాంగ్రెస్ అండతో రాజకీయంగా బలపడతారని దేశ రాజకీయాల్లో క్రియాశీలకంగా ఎదుగుతారని అంచనాలు వచ్చాయి.