చిన్నారులకు సంబంధించిన ఎన్నో వీడియోలు మనకు సోషల్ మీడియాలో కనిపిస్తుంటాయి.అందులో కొన్ని నవ్వు పుట్టిస్తుంటాయి.
కొన్ని సార్లు చిన్నారులు చేసే పనులు చేసి పెద్దలు ఆశ్చర్యపోతారు.ఇక కొన్నాళ్ల క్రితం సోషల్ మీడియాలో ‘పెళ్లి కావాలి.నాకూ‘ అంటూ ఓ చిన్న పాప ముద్దు ముద్దుగా అనడం చూశాం.అసలు పెళ్లి గురించి తెలియకపోయినా, తనకు పెళ్లి చేయాలని ఆ పాప అనడం చూసి అంతా ముసిముసిగా నవ్వుకున్నారు.
తాజాగా అదే తరహాలో ఓ బుడ్డోడు ముద్దుముద్దుగా తన తండ్రితో పలికిన మాటలు విని అంతా ఆశ్చర్యపోతున్నారు.దీనికి సంబంధించిన ఆసక్తికర విషయాలిలా ఉన్నాయి.
సోషల్ మీడియాలో కనిపించే ఫన్నీ వీడియోలు చూస్తే మనం పొట్టచెక్కలయ్యేలా నవ్వుతాం.తాజాగా అలాంటి ఓ వీడియో నెట్టింట బాగా వైరల్ అవుతోంది.గుల్జార్ సాహెబ్ అనే ట్విట్టర్ ఖాతాలో ఈ వీడియో పోస్ట్ అయింది.అందులో నిండా మూడేళ్లు కూడా లేని ఓ బుడ్డోడు తన తండ్రిని ఏదో కావాలని అడుగుతుంటాడు.
తీరా అదేంటో తెలుసుకుని నెటిజన్లు అవాక్కవుతున్నారు.తనకు మద్యం కావాలని గుక్క పెట్టి ఏడుస్తూ ఆ బాలుడు అడుగుతున్నాడు.
ఏదైనా చాక్లెట్ లేదా చిప్స్ ప్యాకెట్ కావాలన్నట్లు మద్యం అడగడంతో అంతా ఆశ్చర్యపోతున్నారు.దీనిని బాలుడి తండ్రి వీడియో తీసి సోషల్ మీడియాలో పెట్టాడు.
ఇది చూసిన నెటిజన్లు ఆ బుడ్డోడి కోరికను విని అవాక్కవుతున్నారు.చిన్నతనంలోనే మద్యం కావాలని బాలుడు అడగడం పలువురు నవ్వుతున్నారు.
అయితే దీనిని పెద్దలు అతడికి అర్థం అయ్యేలా వివరించాలని, ప్రస్తుతానికి వినోదంగా ఉన్న భవిష్యత్తులో అది ఇబ్బందిగా మారుతుందని కామెంట్లు చేస్తున్నారు.
