పవన్ బలంపై గురి పెడ్తున్న వైసిపి?

తన రాజకీయ ప్రయాణానికి అనుకూలమైన నియోజకవర్గాలుగా పవన్ భావిస్తున్నఉభయ గోదావరి జిల్లాలలో ఉన్న 34 స్థానాలలో మెజారిటీ స్థానాలను పొత్తులో భాగంగా సాధించుకోవాలని, అందులో సాధ్యమైనన్ని ఎక్కువ స్థానాలను గెలవాలని భావిస్తున్న పవన్ కళ్యాణ్( Pawan Kalyan ) దానికోసం తన శక్తి యుక్తులు మొత్తం కేంద్రీకరిస్తున్నారు.

తనకున్న పరిమిత వనరులతో రాష్ట్ర వ్యాప్త ప్రయత్నం చేయటం అంత తెలివైన నిర్ణయం కాదని గ్రహించిన పవన్, తన బలం ఉన్నచోట్ల మరింత బలం పుంజుకునే ప్రయత్నం చేస్తున్నారు .

ఇది వ్యూహాత్మకంగా తెలివైన ఎత్తుగడగా చెప్పవచ్చు.అయితే దీనిని ఎదుర్కోవడానికి ఇప్పటివరకు అధికార వైసీపీ( YCP ) నుంచి సరైన వ్యూహం అయితే కనిపించలేదు.

ముద్రగడని( mudragada ) ప్రయోగించి తూర్పుగోదావరి జిల్లాలలో పవన్ సామాజిక వర్గాన్ని దూరం చేయడానికి కొన్ని ప్రయత్నాలు చేసినప్పటికీ పవన్ కళ్యాణ్ కి అనుకూలంగానే మెజారిటీ సామాజిక వర్గం స్పందించడంతో ఆ ప్రయత్నం అంత సఫలం అవ్వలేదని చెప్పవచ్చు.