ఇటీవ‌ల కాలంలో స్త్రీ, పురుషులు అనే తేడా లేకుండా చాలా మంది రోజూ ఉద‌యాన్నే వర్కవుట్స్ చేస్తూ ఆరోగ్యాన్ని, ఫిట్ నెస్‌ను కాపాడుకునేందుకు ప్ర‌య‌త్నిస్తున్నారు.ఇది చాలా మంచి అల‌వాటు.
కానీ, కొంద‌రు మాత్రం ఉద‌యం లేవ‌లేక‌నో లేదా బిజీ లైఫ్ స్టైల్ వ‌ల్ల‌నో వర్కవుట్స్ చేయ‌లేక పోతుంటారు.అయితే అలాంటి వారు ఈవినింగ్ టైమ్‌లో వర్కవుట్స్ చేయ‌వ‌చ్చ‌ని చెబుతున్నారు నిపుణులు.
పైగా ఈవినింగ్ వర్కవుట్స్ చేయ‌డం వ‌ల్ల అద‌న‌పు లాభాల‌ను పొందొచ్చ‌ని అంటున్నారు.అల‌స్య‌మెందుకు మరి ఆ లాభాలు ఏంటో ఓ లుక్కేసేయండి.
మార్నింగ్ టైమ్‌లో వర్కవుట్స్ చేస్తే కండ‌రాలు, కీళ్ల నొప్పులు ఎక్కువ‌గా ఉంటాయి.కానీ, సాయంత్రం వేళ వర్కవుట్స్ చేస్తే మీ శ‌రీరం మీకు సుల‌భంగా సహకరిస్తుంది.
దాంతో కీళ్లు మరియు కండరాలపై ఒత్తిడి తక్కువగా ఉంటుంది.నొప్పులు పుట్ట‌కుండానూ ఉంటాయి.
అలాగే ఈవినింగ్ టైమ్‌లో వర్కవుట్స్ చేయ‌డంతో మంచి నిద్ర‌ను పొందొచ్చు.అందులోనూ నిద్ర లేమి స‌మ‌స్య‌తో బాధ ప‌డే వారు మార్నింగ్ కాకుండా ఈవినింగ్ వర్కవుట్స్ చేస్తే సుఖంగా నిద్ర పోవ‌చ్చు.
సాయంత్రం స‌మ‌యంలో వర్కవుట్స్ చేస్తే గ‌నుక బ్లడ్ షుగర్ కంట్రోల్‌లో ఉంటాయి.గుండె జ‌బ్బులు వ‌చ్చే రిస్క్ త‌గ్గు ముఖం ప‌డుతుంది.అదే స‌మ‌యంలో మెటబాలిజం రేటు కూడా అద్భుతంగా పెరుగుతుంది.ఫ‌లితంగా ఎక్కువ కేల‌రీల‌ను క‌రిగించుకోవ‌చ్చు.
ఈవినింగ్ టైమ్‌లో వర్కవుట్స్ చేయ‌డం వ‌ల్ల.ఒత్తిడి, టెన్ష‌న్స్‌, ఆందోళ‌న వంటి మాన‌సిక స‌మ‌స్య‌ల‌న్నీ దూర‌మై మెద‌డు మరియు మ‌న‌సు రెండూ ప్ర‌శాంతంగా మార‌తాయి.
త‌ద్వారా ఫ్యామిలీతో మంచిగా టైమ్ స్పెండ్ చేసే అవ‌కాశం ల‌భిస్తుంది.కాబ‌ట్టి, ఇకపై ఉద‌యం పూట వ్యాయామాలు చేయ‌లేని వారు సాయంత్రం పూట చేయ‌డం అల‌వాటు చేసుకోవాలి.
దాంతో హెల్తీగా, ఫిట్‌గా ఉండొచ్చు.మరియు అనేక అనారోగ్య స‌మ‌స్య‌ల నుంచి సైతం త‌మను తాము ర‌క్షించుకోవ‌చ్చు.
