కెసిఆర్ అభివృద్ధి నినాదం వర్కౌట్ అవుతుందా?

అంతేకాకుండా కాంగ్రెస్( Congress ) హయాంలో జరిగిన వైఫల్యాలను మరోసారి తెలంగాణ ప్రజలకు గుర్తుకు తెస్తున్న కేసీఆర్ కాంగ్రెస్ వస్తే ధరణి పోర్టల్( Dharani Portal ) తీసేస్తారని, ఉచిత కరెంటును మూడు నాలుగు గంటలకు పరిమితం చేస్తారని, ప్రస్తుతం అమలు చేయబడుతున్న సంక్షేమ పథకాలలో కూడా కోత విధిస్తారంటూ తెలంగాణ ప్రజలను అప్రమత్తం చేస్తున్నారు.ఎన్నికల్లో ప్రధాన ప్రచార అస్త్రం గా తాము చేసిన అభివృద్ధి నినాదాన్ని ఎత్తుకున్న కేసీఆర్ జరిగిన మంచిని చూసే ఓటు వేయండి అంటూ ప్రజలకు పిలుపునిస్తున్నారు.అయితే రెండు పర్యాయాలు తెలంగాణను పరిపాలించిన పార్టీ పట్ల సహజంగా ఉండే వ్యతిరేక వ్యతిరేకతకు తోడు ముఖ్యంగా బారాస సిట్టింగ్ ఎమ్మెల్యేలు మంత్రులు చేసిన అవినీతి ఆ పార్టీ విజయానికి ప్రధాన అడ్డంకి మారింది.చాలా మంది సిట్టింగ్ ఎమ్మెల్యేలపై భూకబ్జా ఆరోపణల తో పాటు అనేక అవినీతి మరియు బెదిరింపు ఆరోపణలు వచ్చాయి.

అయితే రాజకీయ అవసరాల కోసం చాలామందిని తిరిగి కొనసాగించడంతో ఆ వ్యతిరేకత తమ పార్టీపై పడుతుందన్న భయం కూడా పార్టీని వేధిస్తుంది.అయితే దేశంలోనే ఆర్థిక అభివృద్ధిలో తెలంగాణను ముందుకు నడిపిన పార్టీగా ప్రజలు తమ పట్ల కృతజ్ఞులై ఉంటారన్న ధీమా కూడా ఆ పార్టీలో కనిపిస్తుంది.

మరి తెలంగాణ ఓటర్లు రాజకీయ చైతన్యం ఎక్కువగా ఉన్నవారిని చెబుతూ ఉంటారు.మరి బారాస అభివృద్ధి నినాదానికి ఏ స్థాయిలో తెలంగాణ ఓటర్ మద్దతు ఇస్తాడో చూడాలి.