ఇప్పటికే ఢిల్లీ లిక్కర్ స్కాం వ్యవహారంలో దర్యాప్తు రిపోర్ట్ ను కోర్టు సమర్పించిన  నేపథ్యంలో సిబిఐ , ఈడీ  నిందితులపై మోపిన అభియోగాలు ఇవన్నీ కెసిఆర్ కు ఆందోళన కలిగిస్తున్నాయి.దర్యాప్తు సంస్థలు ఛార్జి షీట్ లో కవిత పేరును పదేపదే ప్రస్తావించడం, మొబైల్ ఫోన్లను ధ్వంసం చేసినట్లు ఆరోపణలు చేయడం,  కిక్ బ్యాక్ ల పేరుతో ముడుపు ఇవ్వడం,  వైన్ షాపులకు లైసెన్సులు పొంది లాభాలు ఆర్జించడం, పాలసీ రూపకల్పంలోనే కవితతో అనేకమంది చర్చలు జరపడం,  ఇలా అన్నిట్లోనూ ఆమె పాత్ర ఉన్నట్లుగా దర్యాప్తు సంస్థలు తేల్చాయి.ఎప్పటికే కవితకు అత్యంత సన్నిహితులుగా పేర్కొందిన వారందరినీ అరెస్టు చేసిన నేపథ్యంలో,  కవిత కూడా అరెస్టు అయ్యే అవకాశం ఉన్నట్లు కేసిఆర్ కూడా అంచనా వేస్తున్నారు.ఈ క్రమంలోనే రాజకీయంగాను దీనిని ఎదుర్కొనేందుకు ముందుగానే సిద్ధమవుతున్నారట.

కేంద్రంలో ఉన్న బిజెపిని వ్యతిరేకిస్తూ బీఆర్ఎస్ ముందుకు వెళుతున్న క్రమంలోనే,  కవితను ఈ ఢిల్లీ లిక్కర్ స్కామ్ కేసులో ఇరికించి, కేంద్ర బిజెపి పెద్దలు ఇబ్బంది పెడుతున్నారనే సంకేతాలను తెలంగాణతో పాటు దేశవ్యాప్తంగా ప్రచారం చేసేందుకు, తద్వారా ఇదంతా బీజేపీ కుట్రగా జనాల్లో అభిప్రాయం కలిగించేందుకు ప్రయత్నాలు మొదలు పెట్టాలని డిసైడ్ అయ్యారట.