యాపిల్‌ను‌ తొక్కతో తింటున్నారా? లేకుంటే ఇవి తెలుసుకోవాల్సిందే!

యాపిల్‌ దీని గురించి ప్ర‌త్యేకంగా ప‌రిచ‌యాలు అవ‌స‌రం లేదు.ప్ర‌పంచ‌వ్యాప్తంగా అత్య‌ధికంగా వినియోగించే పండ్ల‌లో యాపిల్ పండు ఒక‌టి.

యాపిల్ పండు రుచిలోనే కాదు.పోష‌కాలు కూడా మెండుగా ఉంటాయి.

అందుకే ఆరోగ్య నిపుణులు రోజుకో యాపిల్ పండైనా తీసుకోవాల‌ని చెబుతుంటారు.అయితే యాపిల్ పండ్ల‌ను పెంచే క్ర‌మంలో ర‌సాయ‌నాలు, మందులు వాడ‌తార‌న్న కార‌ణంగా చాలా మంది తొక్క తీసేసి తింటుంటారు.

అయితే ఇలా వ‌ల్ల ఎన్నో పోష‌కాల‌ను కూడా దూరం చేసుకున్న‌ట్టే అవుతుంద‌ని నిపుణులు చెబుతున్నారు.వాస్త‌వానికి యాపిల్ గుజ్జులో కంటే తొక్క‌లోనే ఎక్కువ యాంటీ ఆక్సిడెంట్స్ నిండి ఉంటాయి.

అలాగే లివ‌ర్ క్యాన్స‌ర్‌‌, లంగ్ క్యాన్స‌ర్‌, పెద్ద పేగు క్యాన్స‌ర్‌, రొమ్ము క్యాన్స‌ర్ వంటి ప్రాణాంత‌క వ్యాధుల ద‌రి చేర‌కుండా ర‌క్షించే శ‌క్తి కూడా యాపిల్ తొక్క‌లోనే ఉంటుంది.శ‌రీరంలో అన‌ద‌న‌పు కొవ్వు క‌రిగించే ఉర్సోలిక్ ఆమ్లం యాపిల్ తొక్క‌లోనే ల‌భిస్తుంది.