పార్టీ టికెట్ కావాలా ? ఆ బాండ్ మీద సంతకం చేయాల్సిందే  

 ఈ ఏడాదిలో జరగబోయే అసెంబ్లీ ఎన్నికల్లో ‘ పార్టీ మారను.పార్టీ మారాల్సి వస్తే రాజీనామా చేస్తా’ అని టికెట్ ఇచ్చే ముందు సదరు నాయకులు నుంచి పేపర్ మీద సంతకం తీసుకోవాలని నిర్ణయించారు.ఈ మేరకు న్యాయ నిపుణుల సలహాలు సూచనలు తీసుకుని, ఆ బాండ్ పేపర్ మీద పార్టీకి నష్టం జరగకుండా అనేక షరతులను విధించారు.పార్టీ హై కమాండ్ ఆదేశాల మేరకు టికెట్ పొందబోతున్న నాయకులు బి ఫామ్ తీసుకునే ముందు ఆ బాండ్ పై సంతకం చేయాల్సి ఉంటుంది.

ఈ విధానానికి కాంగ్రెస్ హై కమాండ్ కూడా అంగీకారం తెలిపినట్లు ఏఐసిసికి చెందిన  కీలక నాయకుడు ఒకరు  తెలిపారు .గ్రేటర్ హైదరాబాద్ కార్పొరేషన్ ఎన్నికల్లో కాంగ్రెస్ పార్టీ ఈ బాండ్ పేపర్ విధానాన్ని అమలు చేసింది.కానీ ఆ ఎన్నికల్లో ఇద్దరు మాత్రమే గెలవడం, గెలిచిన ఇద్దరూ కాంగ్రెస్ వీర విధేయులు కావడంతో , ఇప్పటి వరకు ఆ బాండ్ పేపర్ అవసరం రాలేదు.అయితే అసెంబ్లీ ఎన్నికల ఫలితాలు తర్వాత, ఆ విధమైన పరిస్థితి ఉండదని, కచ్చితంగా కాంగ్రెస్ కు చెందిన ఎమ్మెల్యేలను బీఆర్ఎస్ కొనుక్కునే ప్రయత్నం చేస్తుందని, అందుకే ఈ బాండ్ పేపర్ విధానాన్ని అమల్లోకి చేస్తున్నట్లు తెలంగాణ కాంగ్రెస్ నాయకులు పేర్కొంటున్నారు .

ఈ బాండ్ల వ్యవహారాన్ని పరిశీలించేందుకు ప్రత్యేకంగా లీగల్ సెల్ ను ఏర్పాటు చేసుకున్నట్లు సమాచారం.2014 ఎన్నికల్లో కాంగ్రెస్ నుంచి గెలిచిన 23 మంది ఎమ్మెల్యేలు బీఆర్ఎస్ లో చేరడం , అలాగే 2018 ఎన్నికల్లో కాంగ్రెస్ నుంచి గెలిచిన 12 మంది ఎమ్మెల్యేలను బీఆర్ఎస్ చేర్చుకోవడం వంటి సంఘటనలను గుర్తు చేసుకుంటున్న కాంగ్రెస్ ఇప్పుడు ఈ బాండు విధానాన్ని అమల్లోకి తీసుకువస్తుంది.