కరోనా టైం లో కోలీవుడ్ సూపర్ హిట్ సినిమా ఓ మై కడవులే అందరిని అలరించింది.ఈ సినిమాను తెలుగులో రీమేక్ చేస్తున్నారు ప్రముఖ నిర్మాత పివిపి.
దిల్ రాజు సహకారంతో పివిపి బ్యానర్ లో ఓ మై కడవులే తెలుగు వర్షన్ వస్తుంది.ఈ సినిమాకు ఓరి దేవుడా టైటిల్ ఫిక్స్ చేశారు.
విశ్వక్ సేన్, మిథిల పాల్కర్, ఆశా భట్ నటిస్తున్నారు.సినిమా నుండి మోషన్ పోస్టర్ రిలీజ్ చేశారు చిత్రయూనిట్.
యూత్ ఫుల్ ఎంటర్టైనర్ గా వస్తున్న ఈ సినిమా మోషన్ పోస్టర్ లో విశ్వక్ సేన్ అలరించాడు.సెలక్టెడ్ సినిమాలతో యువ హీరోల్లో తనకంటూ ఒక స్పెషాలిటీ ఉండేలా చేసుకుంటున్నాడు విశ్వక్ సేన్.
ఈమధ్యనే పాగల్ అంటూ వచ్చి ఆడియెన్స్ ను అలరించిన విశ్వక్ సేన్ లేటెస్ట్ గా ఓరి దేవుడా అని వస్తున్నాడు.తమిళ వర్షన్ లో దేవుడి రోల్ లో విజయ్ సేతుపతి గెస్ట్ రోల్ చేశారు.
మరి ఓరి దేవుడాలో దేవుడు ఎవరన్నది తెలియాల్సి ఉంది.ఆల్రెడీ హిట్టైన సినిమా కాబట్టి తెలుగులో కూడా అదే రిజల్ట్ రిపీట్ అవుతుందని చెప్పొచ్చు.
ఓరి దేవుడా పోస్టర్ ఇంట్రెస్టింగ్ గా అనిపించగా సినిమా ఎలా ఉంటుందో చూడాలి.